دل تانگھ تانگھ اے
اے کتاب بہاول پور بورڈ دے سال دوم سرائیکی دے نصاب دے عین مطابق ہے تے ایوب دھریجہ دی وفات توں بعد شائع تھئی ہے ۔ کتاب وچ 12نظماں ،23نثر پارے ، 6غزلاں تے 2ݙوہڑیاں تے مشتمل ہے ۔ آخر وچ سرائیکی قاعدہ (حروف تجہی) تے گنتی وی موجود ہے۔ظہور دھریجہ لکھدن:
’’ایوب دی عمر اتنی نہ ہئی او اَڄݨ سِکھݨ دے عمل وچ ہا ۔ پڑھائی توں فارغ تھیا تاں سرکاری نوکری سانگے ٻاݨ مریندا رہ ڳیا ۔ او آکھدا ہا جو بھاویں وݙا عہدہ نہ ہووے ، عام نوکری ہووے پر ہووے سرکاری جو ایندے وچ اولاد دا تحفظ ہوندے ، ملازمت تے او وی سرکاری؟ سرائیکیں دے ایجھے نصیب کݙاں؟ ایوب ’’اوورایج‘‘ تھی ڳیا ۔ نوکری نہ ملی ، پر اوں اپݨے پرنٹنگ پریس آلے کم تے پوری توجہ ݙتی تے نال سرائیکی دا کم وی کریندا رہ ڳیا ۔ میں اے ڳالھ اَکھیندا پیا ہم جو ایوب دی عمر اتنی نہ ہئی جتنیاوندی سوچ ۔ اوندی خواہش ہئی جو ملتان یا دھریجہ نگر اِچ ہک جاہ ایجھی بݨائوں جتھاں:
٭… سرائیکی نصاب دے متعلقہ ساریاں کتاباں ہوون۔
٭… فوٹو سٹیٹ دی سہولت ہووے۔
٭… ودھ توں ودھ گائیڈاں تے خلاصے لکھوائے ونڄن۔
٭… تعلیمی اداریاں وچ طالب علماں کوں داخلیاں دی آگاہی ملے۔
٭… ملک تے ٻاہر لے ملک نویں آوݨ آلے سبجیکٹ دے بارے وسیب دے نینگراں کوں آگاہی ملے۔
٭… ہک ایجھی اکیڈمی ہووے جیڑھی طالب علماں کوں سی ایس ایس ، میڈیکل تے انجینئرنگ تے ٻئے مضمومن دی رہنمائی کرے۔
٭… بے روزگاراں کوں ملازمتاں بارے آگاہی ملے۔
٭… ٻاہرلے ملکاں اِچ روزی تے پڑھائی بارے معلومات مِلن۔
٭… سرائیکی دا پاکستانی تے عالمی زباناں نال ڳانڈھاتھیوے۔‘‘
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی