دلی ڈھائی کوہ ۔ سفر نامہ

ایہ سفرنامہ 20اگست کنوں 28اگست 2009ء تئیں ہندوستان دے سفر دا حال ہے تے ’’رپورتاژ‘‘ دے انداز وچ لکھیا ڳیا اے ۔ سفرنامہ ہندوستان دے شہراں دِلی تے جے پور دی سیر تے منبی ہے ۔ ’’ساہتیہ اکیڈمی دلی‘‘ دے تعاون نال ’’ایج کیئر انڈیا‘‘ نامی تنظیم دے منعقدہ مشاعرے وچ شرکت کرݨ سانگے پاکستان دے شاعراں ، ادیباں تے دانشوراں دے وفد کوں انڈیا دعوت ݙتی ڳئی تے مصنف وی اُنہاں وچ شامل ہن ۔ دلچسپ انداز ، ٹھیٹھ سرائیکی اد استعمال ، زبان دی چس رَس ودھا ݙتی ہے ۔ رنگین فوٹو وی ݙتے ڳن۔

ظہور احمد دھریجہ ، دی کتاب ’’دلی ڈھائی کوہ‘‘دے بیک پیپر تے لکھدن:

’’سرائیکی لسانیات دے حوالے نال پروفیسر  ہک شخص دا نھیں ہک عہد دا ناں ہے ۔ اساݙی تے جھوک دی خوش قسمتی ہے جو اساکوں مغل سئیں دی محبت ، شفقت تے سرپرستی حاصل ہے ۔ انہاں نال یاری لا تے ایہ ݙٹھے جو لسانیات دا کم ہووے تاں بھاویں انہاں سر تے پہاڑ رکھ ݙیو ، چا ویسن پر ایں توں ہٹ تے ماسہ وی نھیں سہندے ۔ ایندے باوجود اساݙی ارداس تے انہاں ہندوستان دی پندھ وہاݨی لکھ ݙتی ہے جینکوں اساں ’’رپوتاژ‘‘ آکھ سڳدوں ۔ خاص ڳالھ ایہ ہے جو ایں پندھ وہاݨی وچ اُردو سفرنامیں آلی کار نہ تاں ’’چرھپ‘‘ پیدا کرݨ سانگے مرچ مصالحہ لایا ڳے تے نہ کُوڑ دے بِھکل ریڑھے ڳن۔ بھلا تھیوے پروفیسر  دا جو انہاں اپݨی لکھت وچ اساݙیاں کجھ ’’یاداں‘‘ ہتھیکیاں کر ݙتن ۔ ایں موقعے تے اساݙے آدری (میزبان) سئیں ڈاکٹر جے سی بترا تے ہندوستان دے ٻئے سنگتیاں دا شکریہ ادا کرݨ وی ضروری ہے جنہاں اساں کوں دل نال دلی سݙیا تے دلی دے نال نال اپݨے دل وچ جاہ ݙتی‘‘۔

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی