دلناز سمینوی

دلناز سمنیوی سرائیکی زبان دا شاعر ہے۔

ڄم پل

٢١ اگست ١٩٩٥ء کوں ڄمے۔

نمونہ کلام

حاتم بلوچ صاحب دے ڈتے ہوئے مصرعے کوشش

چیڑهیں دے چلکار تے کهلنڑ نئیں بنڑدا

کہیں دی چیخ پکار تے کهلنڑ نئیں بنڑدا

رب ڈیندے ڈکهہ تے آپ ونجیندے او

بندے کہیں بیمار تے کهلنڑ نئیں بنڑدا

ہیر تے رانجهے نال ہن یاداں ایندیاں

قیدو دے کردار تے کهلنڑ نئیں بنڑدا

جیکوں اپڑے آپ دی وی سدھ کائنی

ان پڑھ دے تکرار تے کھلنڑ نیئں بنڑدا

روانڑ کہیں دے اپڑے وس تاں نئیں ہوندا

کہیں دے وی ڈسکار تے کھلنڑ نیئں بنڑدا

جیندے سر تیں غربت دا ہووے سایہ

اوندی تاں دستار تے کهلنڑ نئیں بنڑدا

دل وٹواونڑ سنڑیم یار دا پیشہ ہے

کہیں دے کاروبار تے کھلنڑ نیئں بنڑدا

بہہ کے چار چوڈیں دے وچ دلناز تیکوں

تیڈا اپنڑے یار تے کهلنڑ نئیں بنڑدا

غزل سارے دوستیں دی نظر

گال ساری دی ساری اوتھائیں کھڑی ہے

اوندے لب اتے اج وی سبائیں کھڑی ہے

میکوں کیویں ڈسا کجھ تھی سگدا ہے

میڈی امڑی جو ڈیندی دعائیں کھڑی ہے

توں جو اہدی میں عمرہ کراں ہا کڈانہیں

تیڈی مسجد تاں ویران اتھائیں کھڑی ہے

رب جے بخشے تاں اوندے اگوں دیر نئیں

توں کیوں اہدی جو جنت کیتھائیں کھڑی ہے

رب دا ذکر تاں او تائیں تھیندا راہسی

قائم دنیا اوندی جے تائیں کھڑی ہے

تیڈے بندیں کنوں پئی تھکی ہاں میں

بھوئیں دلناز ڈیندی صدائیں کھڑی ہے

دلناز سمینوی

غزل دا ہک شعر

اجاں پہلے سپارے دے وچ ہیں سجنڑ

اجاں کرنڑاں ہے ساکوں ختم پیار دا

دلناز سمینوی

ہک عید دا ڈوہڑا سارے سنگت دی نظر

ساکوں چھوڑ کے میڈا چن ماہی گل غیر کوں لاونڑ ٹھیک تاں نئیں

تیکوں سدھ ہے ساڈی نئیں نبھدی ول رس کے بہاونڑ ٹھیک تاں نئیں

تیڈی سک ہے سک نہ مار سٹے چن ڈھیر سکاونڑ ٹھیک تاں نئیں

کجھ سوچ تاں سہی دلناز میڈا ہر عید رواونڑ ٹھیک تاں

دلناز سمینوی