دلبر مولائی

اصل ناں دلبر حسین قلمی ناں دلبر مولائی تے ابے سئیں دا ناں شیر محمد ہے۔ لَڈی کھوسہ قوم نال تعلق رکھدن۔ یکم جنوری 1969ء کوں نوتک محمید دیرہ غازی خان اچ پیدا تھئے۔ ایم اے ۔ ایم ایڈ کرݨ دے بعد بطور ٹیچر اپݨے فرائض سرانجام ݙتے۔ 1992ء کوں سئیں اکرم قریشی دی شاگردی اچ شاعری دا آغاز کیتا۔ تصانیف اچ وسیبی سخن ورحصہ اوّل ، وسیبی سخن ور حصہ دوم ، گفتار دلبر، سرائیکی ترجمہ دُعائے کمیل، نقشِ کمال، تے یادگار اکرم شامل ہن۔ دیرہ غازی خان دے رہائشی ہن۔ ٻہوں چنڳے انسان ہن۔ سئیں دلبر مولائی دا سرائیکی زبان واسطے ٻہوں کم اے ، سوہݨی لائبریری بݨائی ہوئی اے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء