دشا پاٹنی

دِشا پاٹنی
(ہندی : दिशा पाटनी)
معلومات شخصیت
ڄم	13 جون 1992ء (33 سال)  بریلی
شہریت	بھارت
قد	1.7 میٹر
وزن	50 کلو گرام
عملی زندگی
پیشہ	ماڈل ،  ادکارہ
	IMDB پر صفحہ

دشا پاٹنی ہندی تے تیلگو زبان دی فلمیں وچ کم کرݨ آلی ہک بھارتی اداکارہ تے ماڈل ہن۔ 2013ء وچ اندور وچ منعقدہ مس فیمینا وچ انہاں نے ݙوجھی پوزیشن حاصل کیتی۔ انہاں نے اپݨے فلمی کیریئر دا آغاز پوری جگن ناتھ دی فلم "لوفر" (2015ء) توں کیتا۔ بعد وچ انہاں نے "دھونی: دی انٹولڈ اسٹوری" (2016ء) وچ اداکاری کیتی، جیہڑی ہک کامیاب فلم ثابت تھئی۔

ابتدائی زندگی

دشا پاٹنی اتراکھنڈ دے کمونی خاندان نال تعلق رکھیندی ہائی۔ انہاں دی پیدائش 13 جون 1992ء کوں بریلی، اتر پردیش وچ تھئی۔ انہاں دے پیو جگدیش سنگھ پاٹنی ہک پولیس افسر ہن تے اتر پردیش پولیس محکمے وچ ڈپٹی سپرنٹنڈنٹ پولیس دے طور تے کم کریندے ہن۔ انہاں دی وݙی بیݨ خوشبو پاٹنی ہندوستانی فوج وچ لیفٹیننٹ ہے، تے انہاں دا نکا بھرا سورانش ہݨ تک پڑھائی کر یندا پیا ہے۔ دشا پاٹنی راجپوت برادری نال تعلق رکھیندی ہن۔ انہاں نے انجینئری دی تعلیم حاصل کیتی ہے۔ انہاں دی تاریخ پیدائش میڈیا وچ 13 جون 1992ء تے 27 جولائی 1995ء ݙوہائیں درج کیتی ڳئی ہے۔

کیریئر

دشا پاٹنی دی پہلی جھلک 2015ء وچ کیڈبری ڈیری ملک دے اشتہار وچ ݙٹھی ڳئی، جیندی وجہ توں انہاں دی کامیابی دے دروازے کُھلݨ شروع تھی ڳئے۔ ایندے بعد اوہ پوری جگن ناتھ دی ہدایت کاری وچ بݨݨ آلی فلم "لوفر" وچ نظر آئین۔ ایندے بعد اوہ ہک سنگیت ویڈیو "بے فقرے" وچ ٹائیگر شیروف دے نال نظر آئین۔ انہاں دی اڳلی فلم "ایم ایس دھونی: دی انٹولڈ اسٹوری" ہئی، جیندے وچ انہاں نے دھونی دی ذال دا کردار ادا کیتا تے ایہ فلم باکس آفس تے ہٹ ثابت تھئی۔

دشا نے جیکی چن دی فلم "کنگ فو یوگا" وچ وی کم کیتا، جیہڑی 3 فروری 2017ء کوں ریلیز تھئی۔