دریا خان فقیر

روحل فقیر دے چھوٹے پتر ہن۔ آپ 1843ء وچ پیدا تھئے۔ آپ دی تربیت مامے مراد فقیر دی نگرانی وچ تھئی۔ سندھی ‘ ہندی اتے سرائیکی دے باکمال شاعر ہن۔ کلام کافیاں اتے بیتاں تے مشتمل ہے۔ روحل فقیر اتے رائو فقیر کنوں انھاں دا کلام بلند ہے۔ سوز ‘ گداز ‘ مجاز اتے معرفت دا آئینہ دار ہے۔ رنگینی روانی ‘ بیساختگی اتے مستی ڈھیر ملدی ہے۔ انھاں دی شاعری ہک کامیاب تجربہ دی حیثیت رکھیندی ہے۔ کافی کوں رنگیں اتے دلچسپ بݨاوݨ وچ انھاں دا ڈھیر ہتھ ہے۔ کافی وچ سلوک دے نکتے بیان کیتے نیں۔ سرائیکی وچ ݙوہڑے تے کافیاں لکھے نیں۔

کافی

مہݨہ ماہی یار دا۔ دلدار دا عشق الانبا سر تے چایم

ویساں ویساں مول نہ رہساں پندھ پُڄیساںیار دا   ماہی یار دا

صبح ویلے سائیں ملیا پاندھی پریاں دی  پاردا   ماہی یار دا

رات اندھاری میں اَݨ تاری تُرھا توکل تار دا   ماہی یار دا

دریا خان چُم اکھیں تے چایم طعنہ تخت ہزار دا   ماہی یار دا

سسی وچاری سورئیں ماری پُنل کیچ کوھیار دا   ماہی یار دا

دل میݙی درمل ݙیسی محرم میں بیمار  دا ماہی یار دا