دریائے راوی

راوی دا دریا ١٩٨٠ وچ

دریائے راوی لاہور

صوبہ پنجاب وچ دریائے سندھ تے اوندے معاون دریاویں وچ دریائے جہلم، دریائے چناب، دریائے راوی تے دریائے ستلج شامل ہن۔ دریائے راوی ضلع کانگڑا وچ درہ روتنگ توں نکلدے تے ساݙھے چار سو میل لمبا (720 کلومیٹر) ہے۔ پاکستانی پنجاب دا راجگڑھ لاہور اچ دریا دے کنارے تے واقع ہے۔ دریائے راوی تے دریائے چناب دے درمیانی علاقے کوں دوآبہ رچنا آکھیا ویندے۔ (دریائے راوی کوں پہلے ایراوتی آکھیا ویندا ہا۔)

نہریں

دریائے راوی دیاں وݙیاں نہریں ایہ ہن: اپر باری دوآب مادھو پور بھارت توں نکلدی ہے۔ ایندی قصور برانچ پاکستان کوں سیراب کریندی ہے۔ نہر لوئر باری دوآب دے ہیڈورکس بلوکی وچ ہن۔ ایہ نہر اضلاع ملتان تے منٹگمری کوں سیراب کریندی ہے۔ انہار ثلاثہ وچ دریائے راوی، چناب تے جہلم دیاں تریہہ نہریں اپر جہلم، اپر چناب تے لوئر باری دواب شامل ہن۔ گنجی یار منٹگمری تے ملتان کوں سیراب کرݨ کیتے راونی دا پاݨی کافی ناں ہوندا ہا۔ چنانچہ ایں کمی کوں پورا کرݨ کیتے چناب دا پاݨی بلوکی دے مقام تے نہر اپرچناب دے ذریعے دریائے راوی وچ سٹیا ڳیا۔ ایں توں نہر لوئر چناب دا پاݨی ڳھٹ ڳیا تے گوجرانوالہ، شیخوپورہ، لائل پور (موجودہ ناں فیصل آباد) تے جھنگ دے اضلاع کیتے پاݨی ناکافی ثابت تھیوݨ لڳا۔ چنانچہ منگلا توں نہر اپر جہلم دا پاݨی خانکی دے مقام تے دریائے چناب وچ سٹ ݙتا ڳیا۔ اضلاع لائل پور، گوجرانولہ، ساہیوال تے ملتان دیاں نہری آبادیاں انہار ثلاثہ دی بدولت ہی سیراب تھیندیاں ہن۔ ایں وچ اعلیٰ قسم دی گندم تے امریکن کپاہ پیدا تھیندی ہے۔ دریائے راوی دے پراݨے حصے کوں راوی ضعیف وی آکھیا ویندے۔