دروپدی مرمو

دروپدی مرمو
(sat میں: ᱫᱨᱚᱣᱯᱚᱫᱤ ᱢᱩᱨᱢᱩ)
بھارت کی منتخب صدر
آغاز منصب 25 جولائی 2022ء
وزیر اعظم	نریندر مودی
نائب صدر	وینکائیا نائیڈو
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" رام ناتھ کووند
9ویں گورنر جھارکھنڈ
مدت منصب 18 مئی 2015ء – 12 جولائی 2021ء
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" سید احمد f9f9f9; color:#000; margin: 0 0 0 0; border-collapse: collapse;" رمیش بیس
وزیر مملکت، اڈیشا (آزاد چارج)
مدت منصب 6 اگست 2002ء – 16 مئی 2004ء
مدت منصب 6 مارچ 2000ء – 6 اگست 2002ء
رکن ودھان سبھا، اڈیشا
مدت منصب 5 مارچ 2000ء – 21 مئی 2009ء
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" لکشمن ماجھی f9f9f9; color:#000; margin: 0 0 0 0; border-collapse: collapse;" شیام چرن ہنسدہ
معلومات شخصیت
پیدائش	20 جون 1958ء (67 سال)  میوربھنج ضلع
رہائش	راشٹر پتی بھون، نئی دہلی
شہریت	بھارت
جماعت	بھارتیہ جنتا پارٹی
رکنیت	بھارتیہ جنتا پارٹی
عملی زندگی
پیشہ	سیاست دان ،  معلمہ ،  عوامی خدمت
مادری زبان	سنتالی زبان
پیشہ ورانہ زبان	اڑیہ ،  سنتالی زبان ،  انگریزی ،  ہندی
دستخط
	IMDB پر صفحہ

دروپدی مرمو (پیدائش: 20 جون 1958ء) ہک بھارتی سیاست دان ہن، جو بھارت دی صدر منتخب تھئین۔ اوہ بھارتیہ جنتا پارٹی (بی جے پی) دی رکن ہن۔ اوہ مقامی، درج فہرست برادری نال تعلق رکھݨ والی پہلی فرد ہن، جیہڑے بھارت دی صدر دی حیثیت نال منتخب تھئین۔ اپݨی صدارت توں پہلے انہاں نے 2015ء توں 2021ء دے درمیان جھارکھنڈ دی نویں گورنر دے طور تے کم کیتا تے 2000ء توں 2004ء دے درمیان اڈیشا دی کابینہ وچ مختلف محکمیاں تے فائز رہین۔

ذاتی زندگی

دروپدی مرمو 20 جون 1958ء کوں اڈیشا دے رائرنگ پور دے بیداپوسی علاقے وچ ہک سنتھالی ٹَٻَّر وچ پیدا تھئین۔ انہاں دے پیو تے دادا گاؤں دی کونسل دے روایتی سربراہ ہن۔ مرمو رما دیوی ویمنز کالج دی آرٹس گریجویٹ ہن۔

انہاں نے 1980ء وچ ہک بینکر شیام سندر چرن نال شادی کیتی، جیندے توں انہاں دے ݙو پتر تے ہک دھی ہئی۔ انہاں دے شوہر، ݙوہیں پتر، ماں تے ہک بھائی 2009ء توں 2015ء دے 7 سال دے عرصے وچ انتقال کر ڳئے۔ اوہ برہما کماریاں دی روحانی تحریک دی پیروکار ہن۔

سیاسی کیریئر

دروپدی مرمو نے رائرنگ پور وچ بھارتیہ جنتا پارٹی (بی جے پی) وچ شمولیت اختیار کیتی۔ 1997ء وچ اوہ رائرنگ پور نگر پنچایت دی کونسلر منتخب تھئین۔

انہاں نے رائرنگ پور اسمبلی حلقہ توں اڈیشا قانون ساز اسمبلی انتخاب 2002ء جتیا تے 2000ء توں 2009ء دے درمیان اڈیشا قانون ساز اسمبلی وچ ݙو مرتبہ خدمات انجام ݙتیاں۔ اڈیشا وچ بھارتیہ جنتا پارٹی تے بیجو جنتا دل دی مخلوط حکومت دے دوران؛ اوہ 6 مارچ 2000ء توں 6 اگست 2002ء تک تجارت تے نقل و حمل دے آزاد چارج تے 6 اگست 2002ء توں 16 مئی 2004ء تک ماہی گیری تے جانوراں دے وسائل دی ترقی دے نال وزیر مملکت ہن۔

2009ء وچ، اوہ میوربھنج لوک سبھا حلقہ توں لوک سبھا انتخاب ہار ڳئین کیوں جو بی جے ڈی تے بی جے پی دا اتحاد ختم تھی ڳیا ہئی۔

گورنر جھارکھنڈ (2015ء - 2021ء)

مرمو نے 18 مئی 2015ء کوں گورنر جھارکھنڈ دے طور تے حلف چاتا، ایں عہدے تے فائز تھیوݨ والی پہلی خاتون بݨین۔ بی جے پی دی گورنر دے طور تے اپݨے چھ سالہ دور وچ زیادہ تر جھارکھنڈ دی حکومت وچ بر سر اقتدار رہی تے اپݨے پورے دور وچ مرکزی حکومت وچ وی بر سر اقتدار رہی۔

رتن ٹرکی، ہک سابق بی جے پی سیاست دان تے کارکن، نے آکھیا جو مرمو نے ایں ڳال کوں یقینی بݨاوݨ کیتے کافی کم کائنی کیتا جو قبائلی برادریاں کوں ݙتے ڳئے خود مختاری دے حقوق کوں صحیح طریقے نال نافذ کیتا ونجے۔ ایہ حقوق پنجویں شیڈول تے پنچایتیں (درج فہرست علاقیاں وچ توسیع) ایکٹ، 1996ء یا پی ای ایس اے دے تحت ݙتے ڳئے ہن۔ ٹرکی نے آکھیا، "متعدد درخواستاں دے باوجود، ایں وقت دی گورنر نے کݙاہیں پنجویں فہرست دی دفعات تے پیسا کوں عملی جامہ پاوݨ کیتے اپݨے اختیارات دا استعمال کائنی کیتا۔"

گورنر دے طور تے انہاں دا چھ سالہ دور مئی 2015ء وچ شروع تھیا تے جولائی 2021ء وچ ختم تھیا۔

مرمو 2015ء وِچ وزیر اعظم بھارت نریندر مودی دے نال

صدر مرمو سابق کووند کے ساتھ راشٹرپتی بھون میں۔

صدر مرمو سابق کووند کے ساتھ راشٹرپتی بھون میں۔

دروپدی مرمو 25 جولائی 2022ء کو راشٹرپتی بھون، نئی دہلی میں حلف برداری کی تقریب کے بعد گارڈ آف آنر کا معائنہ کرتے ہوئے۔