درشہوار سلطان

درشہوار سلطان
(عثمانی ترک میں: خدیجه خیریه عائشه درشهوار سلطان)، (اردو میں: خدیجہ خیریہ عائشہ در شہوار سلطان)
معلومات شخصیت
پیدائش	26 جنوری 1914ء   اسکودار
وفات	7 فروری 2006ء (92 سال)  لندن
مدفن	بروک ووڈ قبرستان
شہریت	ترکیہ
شریک حیات	اعظم جاہ (1931–1954)
اولاد	مکرم جاہ ،  مفخم جاہ
والد	عبد المجید ثانی
والدہ	مہستی خانم
خاندان	عثمانی خاندان

بیگم صاحبہ خدیجہ خیریہ عائشہ دُرّ شہوار سلطان (سلطان سلطنت عثمانیہ دیاں شاہی زنانیاں کِیتے ورتیا ویندا ہِے) (ڄَمَّݨ: 26 جنوری 1914ء، استنبول – انتقال: 7 فروری 2006ء، لندن) آخری خلیفۃ المسلمین عبد المجید ثانی دی صاحبزادی ہَن۔

اوہ جِہڑے ویلے ڄَمّی ہَن اُوں ویلے سلطنت عثمانیہ آپݨے آخری ݙینہہ گِݨ رہی ہئی۔ 1924ء وِچ خلافت دے خاتمے دے بعد اُنہاں دے پیو عبد المجید ثانی کوں ملک بدر کر ݙتا ڳیا تے اوہ جنوبی فرانس وِچ رہوݨ لڳے۔

12 نومبر 1931ء کوں نیس، فرانس وِچ اُنہاں دی شادی آخری نظام حیدرآباد میر عثمان علی خان دے وݙے صاحبزادے اعظم جاہ نال تِھئی۔

1933ء وِچ اُنہاں دے بطن توں مکرم جاہ تے 1936ء وِچ مفحم جاہ ڄَمّے۔ ݙوہاں نے برطانیہ وِچ تعلیم حاصل کِیتی تے ترک زنانیاں نال ہی شادیاں کِیتیاں۔

روایتی طور تے پردہ کرݨ دی بجائے اوہ خاص تقاریب وِچ شریک تِھیندی ہَن تے عوام دی فلاح و بہبود کِیتے مختلف سرگرمیاں انجام ݙیندی ہَن۔ اُنہاں نے حیدرآباد شہر وِچ ہک شفا خانہ وی قائم کروایا جیڑھا اَڄّ وی اُنہاں دے ناں نال موسوم ہِے۔

اوہ آخری واری نظامی عجائب گھر دے 25 سال مکمل تِھیوݨ تے منعقدہ تقریب دی صدارت دے موقع تے منظر عام تے آئیاں۔

7 فروری، 2006ء کوں اوہ لندن وِچ انتقال کر ڳئیاں۔

تصویراں

• 
  شہزادی در شہوار آپݨے پِیؤ عبدالمجید ثانی اَتے پئے اعظم جاہ دے نال
• 
  شہزادی در شہوار ساڑھے نو سال دی عمر وِچ