دراوڑ نسل

وادیٔ سندھ اِچ دراوڑ نسل دی تہذیب 4000توں 3000ق ۔ م نظر اَمدی ہے ۔ وَل آریہ قوم دی آمد توں متعلق مختلف نظریات ہن جو ایں قوم دا اصل مسکن کتھاں ہا تاہم اے قوم دریائے سندھ عبور کرتے ہندوستان دے اکثر حصیاں وچ کھنڈ ڳئی ۔ انہاں دی زبان دا کھوج کڈھوں تاں ایندے پاند سرائیکی زبان وسیب نال ملدن ۔ سرائیکی زبان فصیح و بلیغ تے پُر تاثیر زبان ہے ایہ ٻہوں سارے اوصاف و محاسن توں بہرہ ور ہے ۔ ایندے وچ لطافت ، حلاوت ، غنائیت ، سلاست ، جاذبیت تے قدامت اپݨی مثال آپ ہے ۔ ایندے اِچ تشبیہات تے استعارے دی چاشنی ، خیالات دی خشبو کنیں اِچ رَس گھولیندی مٹھاس تے فصاحت و بلاغت دا ہک سمندر موجود ہے ۔ ایندے اِچ محاوریاں ، اَکھاݨ ، دُعاواں تے الفاظ دے ٻہوں وݙے ذخیرے موجود ہن ۔ سب لوک سرائیکی کوں مٹھی تے صاف لہجے آلی زبان آکھدن ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء