دبئی چلو

1979ء وچ ریلیز تھیوݨ آلی فلم ’دبئی چلو‘ وی تاریخی اہمیت دی حامل ہے۔ اے فلم صرف ݙو مہینے وچ تیار کیتی ڳئی ہئی اتے ایندا ماخذ اِسی ناں دا ہک ٹی وی ڈراما ہئی۔ ہدایت کار حیدر چوہدری نے پوری کوشش کیتی کہ ٹی وی ڈرامے دی مکمل کاسٹ فلم وچ سمو ݙتی ونجے اتے ڈرامے دے سیٹ حتیٰ کہ کرداراں دے لباس وی ٹی وی ڈرامے دے عین مطابق رکھے ڳئے ہن۔ فلم دا اسکرپٹ سیّد نور نے تحریر کیتا ہئی اتے فلمی ضروریات دے مطابق جتھاں انہاں کوں کتربیونت دی ضرورت پئی او کر ڳھدی، مثلاً ڳانے اتے فائِٹ دی سچویشن بݨاوݨ کیتے، لیکن کہانی دے بنیادی ڈھانچے کوں نہیں چھیڑا ڳیا ہئی۔ دوبئی چلو وی ٹی وی ڈرامے دی طرح کامیاب رہی بلکہ پنجابی زبان وچ ہووݨ دے باعث عوام وچ اتے وی زیادہ مقبول تھئی۔ ایں فلم دی کامیابی دے ݙو فوری نتائج سامݨے آئے، ہک تاں سید نور دی حیثیت بطور ہک فلم رائٹر دے مستحکم تھی ڳئی، ٻیا علی اعجاز فلماں دے کامیاب ترین اداکار دے طور تے سامݨے آئے۔ ننھے دے نال انہاں دی جوڑی بݨاوݨ دیاں سابقہ کوششاں ناکام رہیاں ہن لیکن دوبئی چلو دے بعد اے مزاحیہ جوڑی ایہو جیہے ہِٹ تھئی کہ ننھے دی موت توں کجھ عرصہ پہلے تک قائم و دائم رہی۔