دبئی ان لاک

دبئی لیکس ہک عالمی تفتیشی صحافتی منصوبہ ہے جیں نے 2020ء اتے 2022ء دے درمیان دبئی وچ موجود لکھاں جائیداداں دے اعداد و شمار دا تجزیہ کر تے عالمی اشرافیہ دی ملکیت کوں بے نقاب کیتا ہے۔ اے اعداد و شمار سینٹر فار ایڈوانسڈ ڈیفنس اسٹڈیز (C4ADS) نے حاصل کیتے اتے منظم جرائم اتے بدعنوانی دی رپورٹنگ پروجیکٹ (OCCRP) دے نال شیئر کیتے ڳئے، جیندے تحت 58 ممالک دے 74 میڈیا اداریاں نے چھ مہینے تک تحقیقات کیتیاں۔ ایں لیکس دے مطابق دبئی وچ جائیداداں دے مالک غیر ملکی شہریاں وچ پاکستانی ݙوجھے نمبر تے ہن جنہاں دی ملکیت جائیداداں دی مالیت تقریباً 11 ارب ڈالر ہے۔ انہاں نمایاں پاکستانی مالکان وچ صدر آصف علی زرداری دے ٻال، حسین نواز شریف، وزیر داخلہ محسن نقوی دی ذال ، شرجیل میمن، فیصل واؤڈا، متعدد ارکان قومی و صوبائی اسمبلی، سابق صدر پرویز مشرف، سابق وزیر اعظم شوکت عزیز اتے ہک درجن توں زائد ریٹائرڈ فوجی جرنیل شامل ہن۔ ایں انکشاف تے پیپلز پارٹی اتے وزیر داخلہ دی جانب توں وضاحتیں وی سامݨے آئیاں ہن۔ عالمی سطح تے دبئی لیکس نے مجرماں، ٹیکس چوراں اتے روسی اولیگرچس سمیت کئی مشکوک افراد دی دبئی وچ جائیداداں دی ملکیت کوں ظاہر کیتا ہے اتے منی لانڈرنگ دے حوالے نال خدشات کوں جنم ݙتا ہے، جیندے تے تنازع اتے بحث وی جاری ہے۔.