دامان

نظم

اورنگ زیب اورنگ بغلاݨی

جے وقت ملی آ ڈیکھ ذرا

تیڈی دھرتی تے کیا تھیندا پٸے

مجبور اِتھاں لتڑیندا پٸے

جے وقت ملی آ ڈیکھ ذرا،

اِتھاں ظالم جبر کریندا پٸے،

اِتھ حوا جٸی دی دِھی کوں وی

شرعام بازار نچیندا پٸے،

جیرھی دِل اِچ آوِس مالک ہے،

من مرضی دیاں منویندا پٸے،

اِتھاں ظلم ستم دی حد کینٸی،

گل طوق دے چولے لیراں ہِن،

بےآسرا ہٸیں کُٸی آسرا نیٸں،

ساڈا ہر ڈہینہ محشر وانگوں ہے،

اِتھ اورنگ روز دعا منگدے،

میڈا اللّلہ مہدیٰ بھیج ولا،

میڈی دھرتی ول آباد تھیوے،

میڈے وسبے دا ہر ہک وسدا،

نہ شاد تھیوے آباد تھیوے،

جے وقت ملی آ ڈیکھ ذرا،