دادی لیلا

دادی لیلا
معلومات شخصیت
پیدائش	20 دسمبر 1916 بمبئی پریذیڈنسی، برطانوی ہندوستان
وفات	14 ستمبر 2017 (عمر  100 سال) حیدرآباد، سندھ، پاکستان
شہریت	پاکستان
پئے دا ناں	تلسی داس ہرچندانی
عملی حیاتی
پیشہ	ماہر تعلیم موسیقی استاد انسان دوست اسکالر
دور فعالیت	1940/2017
وجہ شہرت	زنانیاں دی تعلیم دی وکالت
اعزازات
تمغائے امتیاز (2016)

دادی لیلا (اردو: دادی لیلا، کنوں) جِنّھاں دا ڄمان٘درو ناں "لیلاوتی ہر چندانی" ہَئی 20 دسمبر 1916 – 14 ستمبر 2017ء انّھاں کوں کݙان٘ہیں کݙان٘ہیں ݙاݙی لیلن دے ناں نال وی سݙیا وین٘دا ہَئی۔ انّھاں دی وجہ شہرت ہِک پاکستانی ماہرِ تعلیم، موسیقی دی اُستانی، مخیّر شخصیت اَتے سندھ دی صوبائی اسمبلی دی سابق کارکن دے طور تےہَئی جہڑی زنانیاں کوں تعلیم دے زیور نال آراستہ کرݨ دیاں کوشتاں کِیتے مشہور ہَئی۔ انّھاں نے سندھی ثقافت اَتے ادب وِچ وی آپݨاں حِصّہ پاتا۔ تعلیم دے میدان وِچ انّھاں دی شراکت کِیتے انّھاں کوں تمغائے امتیاز دے اعزاز نال نوازیا ڳِیا۔ دادی لیلا نے 1975ء تئیں حیدر آباد وِچ سکولاں دی ایڈیشنل ڈائریکٹر اَتے گرل گائیڈز کِیتے ڈپٹی اَتے صوبائی کمشنر دے طور تے کَم کِیتا۔ بعد وِچ سنہ 1985ء وِچ انّھاں کوں زنانیاں دی مخصوص نشست اُتے صوبائی اسمبلی دی کارکن (ایم پی اے) دے طور تے مقرر کِیتا ڳِیا۔