خیر محمد بلوچ ندوی

خیر محمد ندوی بلوچ فرزند سید محمد 18 دسمبر 1909ء کوں مکران، بلوچستان دے علاقے "سرباز" وچ ڄمیے۔ میٹرک تک تعلیم حاصل کرݨ دے بعد ندوۃ العلوم لکھنؤ ڳئے تے فارغ التحصیل تھی کے وطن واپس آئے۔ محکمہ تعلیم نال طویل مدت تک وابستہ ریہے تے پرائمری سکول وچ ہیڈماسٹر دی خدمت تے مامور تھئے۔

آپ بلوچ ایجوکیشنل سوسائٹی دے بانیاں وچوں ہن جیندے زیر اہتمام ہک پرائمری، ہک سیکنڈری سکول تے ہک کالج (بلوچ کالج) چلدا ہے۔ تعلیمی ادارے قومیانے توں پہلے تک آپ انہاں تریہاں ادارے دے مہتمم ریہے۔اگست 1978ء توں ہک بلوچی رسالہ "سوغات" دا اجرا کیتا تے ہک رسالہ "اومان" 1956-61ء دا اجرا کیتا جیہڑا بلوچی زبان دا پہلا ادبی رسالہ ہئی۔

• سب توں پہلے "بلوچی قاعدہ" لکھݨ دا اعزاز آپ کوں حاصل ہے۔
• مختلف مضامین تے نظماں تے مشتمل "کچکول" شائع کیتا۔
• ایہی نوعیت دی ہک کتاب "اخلاق ءِ گلدان"
• فضائل اعمال از شیخ زکریا کاندھلوی دا بلوچی ترجمہ: عملانی فضیلتاں۔
• بلوچی معلم (بلوچی اردو بول چال)۔
• استاد ءِ ادب۔

حنفی نماز

قرآن مجید دا بلوچی ترجمہ تے تفسیر، دراصل آپ دے ہم زلف مولانا قاضی عبد الصمد سربازی رحمہ اللہ نے قرآن مجید دے ترجمہ تے تفسیر دا کم شروع کیتا ہئی، ہک سپارے دی تفسیر تے انوی سپارے دا ترجمہ لکھݨ دے بعد اوہ ریاست قلات وچ قاضی القضاۃ (چیف جسٹس) متعین تھئے تے کجھ عرصے بعد وفات پا ڳئے، تاں انہاں دے ایں نا مکمل کم کوں مولانا خیر محمد ندوی رحمہ اللہ نے پایہ تکمیل تک پہنچایا، ایں طرح یارہ سپارے دا ترجمہ تے 29 سپارے دی تفسیر آپ دا اوہ گراں مایہ کارنامہ ہے جیندے تے بلوچی زبان دا دینی ادب صدیاں تک ناز کریسی۔

وفات

مولانا رحمہ اللہ 26 نومبر 2000ء کوں کراچی وچ وفات پا ڳئے۔