خُرم دیاں ٻجھارتاں
خرم بہاولپوری ایہ ٻجھارتاں لکھیاں ہن۔ بجھارتاں'
- چِٹے چونڈے وال۔ اݙے پھوکے نال۔ (مائی ٻڈھڑی اک والی )--- (روئی دا گالا)
- کالی کگر ٹھُنگے مارے۔ پل وچ میلے وِچھڑیے سارے --- (سلائی مشین)
- بھا، پانی دی کھیݙ ۔ موتی سَریاں، سریاں --- (بارش، بجلی)
- کُٻی مائی مشکاں چاتیاں۔ بھریاں، پیٹیاں، پھُوکیاں، تاکیاں --- (انگور دی شاخ)
- لوٹے اُتے ݙوڑا کاناں۔ لوٹی اُتے ٻلے ٹنڈاݨہ --- (حقہ)
- چار بھرا، چارے ہک سنے، ہر دے مونہہ وچ ݙوں ݙوں ڳنے --- (چار پائی)
- کالی دبلی، ساوا ڈھک۔ اتوں ودھیا ہویا نک --- (وتاؤں )
- تلے پاݨی، اُتے بھا۔ ݙسک ݙسک کڈھے سا --- (حقہ)
- تلے کٹوری، اُتے کٹوری، اُتلی کالی، وچلی گوری --- (گری / کھوپرا)
- مُوہر چتاوے، پچھے کھاوے۔ تکھا جن جو نظر نہ آوے --- (مچھر، یا غم)
- سرتے دل ول کاتی وہے۔ چلݨ کولوں مُول نہ رہے --- (قلم)
- سارا پیچھا پیسہ پیسہ۔ جیرہا نہ ٻُڄھے ایسا تیسا۔ --- (مور)
- کالی ڈنڈھ وچ پانی وڳے۔ اچی ماری کوں بھا لڳے --- (حقہ)
- کالی ڳݙانہ ہینگاں مارے۔ چاون دبلے، جگ ٻُہارے --- (ریل)
- ݙوں زالیں تے نونہاں چار۔ اتھاں وہیاں دی سربار۔ سولہ پتر تے چوہٹھ یار۔ چٹی ݙاڑھی دابڈھے --- (روپیہ)
- پیلی پیلی ڳتھلی، کالی جیندی کُنج۔ وچ کیسر پاتا حلوا۔ نِرا مونج دا مونج --- (انب)
- ڳٹھ مٹھڑی مُولی۔ ماتاں نکتھی دُولی، سُکی ہݙیاں۔ جان ڄتُولی --- (مکئی)
- جیندے وچوں نکھتا مویا۔ موئے وچوں جیندا ہویا --- (انڈہ)
- ڳٹھ مٹھڑا کھانوݨ کوں آڳئے۔ ردھا پکا حلوہ تھیا پے --- (کیلا)
- ایہا ٻُجھارت ٻُجھ بھرا۔ روتے بھن تے رج کے کھا --- (پیاز)
- ݙکھ دی ساوی گُݨ دی لال۔ جتھ کتھ لبھے ہُنال سیال --- (بھنگ، میندی)
- رڑھݨاں گنبد چونے غچ۔ شیشہ ابشہ، کچ دا کچ --- (انڈہ)
- ہوں دم کھاوے، ہوں دم ہنگے، ہک اُݙرے بیا چل نہ سنگے --- (چکی)
- ݙوں چلے پی مونہہ دی کالی۔ ہاں پاڑی، ڳئی ڳٹھ مُٹھڑی ہک تلھڑی، ہکے پیر تے چلݨ والی --- (قلم)
- نہ رُسے، نہ تروڑے، نہ چنبڑے، نہ چھوڑے۔ جُوں دل لا وو سو سو ݙوڑے --- (مطالعہ)
- چِنگھاں چار تے چل نہ سنگے۔ ٻانہہ اوندی مُوڑوں نہ ہنگے --- (کرسی)
- چھنو چھن چھنیک چھنیک۔ ݙٹھی نہ ونجے موئی دی ٹیک --- (کرسی)