خوند شہزادی

خوند شہزادی
معلومات شخصیت
پیدائش	سنہ 1422ء   قسطنطنیہ
وفات	سنہ 1455ء (32–33 سال)  قاہرہ
خاندان	عثمانی خاندان

خوند شہزادی (عثمانی ترکی زبان: خوند شاهزادہ؛ 1422 - جولائی 1455) عثمانی سلطنت دی ہک شہزادی ہئی، تخت دے دعویدار سلیمان سلیبی دی پوہتری ہئی تے سلطنت عثمانیہ دے سلطان بایزید اول (r. 1389 – 1402) دی پڑپوتی ہئی۔ او بارسبے دی ذال ہئی تے بعد وچ برجی خاندان دے مصری سلطان سیف الدین جقمق دی ذال بݨی۔

ابتدائی حیاتی

1422 وچ ڄمی ہئی، فاطمہ شہزادے دے طور تے، او اورحان چیلیبی دی دھی ہئی، جیہڑا سلیمان چیلیبی دا پتر ہئی، جیہڑا خود سلطان بایزید اول دا پتر ہئی۔ اوندے ہک نکے بھرا دا ناں سلیمان سلیبی ہئی (1423 – 1437)۔

پہلی شادی

1436 وچ، کرمان دے ابراہیم دوم نے، بیلیک ذولقادر تے حملہ کیتا تے متنازع قصبہ قیصری تے اوندے آلے ݙیوالے دے ٻئے قلعیاں تے قبضہ کر ڳھدا۔ تاہم، دلکادریاں نے عثمانیاں دی مدد نال دسمبر 1436 وچ قیصری تے اوندے آلے ݙیوالے دیاں وستیاں کوں کرامنیاں توں واپس ڳھن ڳھدا۔ جݙاں اے خبر بارسبے کوں ملی تاں اوں مارچ 1437 وچ اپݨی مشاورتی کونسل سݙی تے ابراہیم بے دی مدد کیتے شام دا گورنر بھیڄݨ دا فیصلہ کیتا۔ تاہم، ایں توں پہلے جو بحران ودھدا تے فوجی تصادم وچ بدلدا، عثمانی تے مملوک سلطنت دے حکمراناں نے ݙو مہینے بعد مئی وچ اپݨے اختلافات مکا ڳھدے۔ بارسبے دی شہزادے نال شادی دے نال ہک امن معاہدہ طے پایا۔

1438 وچ بارسبے دی موت دے بعد، اوندے جانشین سلطان سیف الدین جقمق نے عثمانیاں نال چنگے تعلقات کوں مضبوط کرݨ کیتے شہزادے نال شادی کر ڳھدی۔ 5 جنوری 1447 کوں، اوں جقمق نال شادی دے ویلے ملݨ آلے جہیز دے نال حج کیتا۔

انہاں دے ہک ٻئے نال چار پتر ہن۔ او سارے 26 مارچ 1449 کوں قاہرہ وچ طاعون نال مر ڳئے۔ وݙے دا ناں احمد ہئی تے او ست سال دا ہئی۔ جقمق نے اینکوں 25 دسمبر 1450 کوں طلاق ݙے ݙتی۔

تریجھی شادی

جقمق دے شہزادے کوں طلاق ݙیوݨ دے بعد، او الجودریہ وچ ہک گھر وچ رہوݨ لڳی تے صاحب الحجاب بارسبے بوجاشی نال شادی کر ڳھدی۔

موت

شہزادی جولائی 1455 وچ قاہرہ وچ فوت تھی ڳئی۔