خوشی رام
خوشی رام ڈیرہ اسماعیل خان وچ کتابت دا کم کریندے ہن۔ اُنھاں کول ذاتی لائبریری وی موجود ہئی۔ اوں دور وچ ڈیرہ اسماعیل خان وچ ٻہوں وݙے وݙے مشاعرے تھیندے ہن۔ خوشی رام پورے مشاعرے لکھ گھندے ہن۔ ادب دی ایں خدمت دے علاوہ انھاں ݙوہڑے غزلاں تے گیت وی لکھے۔ اُنھاں دی وفات 1939ء وچ تھئی۔
ݙوہڑہ
[لکھو | ماخذ وچ تبدیلی کرو]نفس کنوں بے نفس تھیوسے دل ہے رشتہ جوڑ ݙتا
ڳنگے ونڄ روح پاک کیتوسے نفس پلیت کوں لوڑ ݙتا
مارے چیکاں کڈھے دائیں مار لتھاڑ کے ٻوڑ ݙتا
خوشی رام جو نندر اَرام کرے ہسے کھاوݨ پیوݨ چھوڑ ݙتا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان