خوشبخت ؔ علی پوری

اصل ناں       محمد آصف

قلمی ناں       خوشبختؔ علی پوری

جٖمنْ           1981ء

تعلیم          ایم اے ،بی ایڈ

پیشہ           معلم

جاہ پتہ         محلہ قاضیاں وارڈ نمبر11علی پور ضلع مظفر ڳڑھ

خوشبختؔ علی پور دا نمائندہ شاعر ہے ، سرائیکی شاعری دے میدان اچ بٖہوں تکھی رفتار نال با مقصد با معنی ، موزوں تے رواں شاعری کریندا پئے۔نمونہ کلام حاضر ہے۔

غزل

زندگی دو تانگھدے ایڈٖو قضا دو ڈٖیکھدے

لا دوا ہک شخص ہے دستِ دوا دو ڈٖیکھدے

ابنِ قاسم ہُنْ تیڈٖی کائنی ضرورت نندر کوں

ہُنْ تاں میڈٖا پتر وی میڈٖی ردا دو ڈٖیکھدے

او مسیحائی کریسی کیا کہیں دے درد دی

نبض ڈٖہدیں ہوئیں جیڑھا ہتھ دی حنا دو ڈٖیکھدے

اے تاں فطرت دا تقاضا ہے جو بندہ بھؤڑ دے

وقت آونْ تے خدایا نا خدا دو ڈٖیکھدے

جیویں میں خوشبختؔ کہیں دے نقشِ پا کوں ڈٖیکھداں

اے یقین اے او وی میڈٖی ہر ادا دو ڈٖیکھدے