خورشید قمر لاشاری
اصل ناں خورشید احمد
تخلص قمرؔ
جٖمنْ 1955ء
تعلیم مڈل
پیشہ زمیندارہ
جاہ پتہ چکنمبر115این بی بنگلہ کھتڑی چولستان
شعری مجموعہ ’’روہی ریت سمندر‘‘ دے خالق خورشید قمر لاشاری دا تعلق روہی (چولستان ) نال ہے، آپ روہی دی ککّی ریت تے بٖہہ کے محبوب دی جدائی وچ درد بھریئے شعر لکھدن ۔ غزلدا نمونہ ملاحظہ تھیوے۔
(1)غزل
[لکھو | ماخذ وچ تبدیلی کرو]فقط ایں کلہیپے دا غم کھادی ویندے
ڈٖیہاں راتیں ہجرِصنم کھادی ویندے
کہیں آ کے آکھئے جو غیراں چہ بٖہہ تے
میڈٖے نہ ملنْ دی قسم کھادی ویندے
میں قاصد جو بھیجٖے تاں بے رُخ الانْے
اوندی بے رُخی دا زخم کھادی ویندے
محبت دی منزل اڑانگے سفر ہن
تے سوچیں دا مُشکی پدم کھادی ویندے
ہے اُجٖڑی نظردی قمرؔ دل دی روہی
اوندے بٖاجھوں اوندا الم کھادی ویندے