خواجہ نازک کریم

حضرت خواجہ محمد بخش نازک کریم حضرت خواجہ غلام فریدؒ دے فرزندِ ارجمند ہن۔ آپ ہر طرح نال حضرت خواجہ فرید سئیں دی شخصیت داعکس ہن۔ عربی‘ فارسی ‘ علوم تے مہارت ہئی۔ تصوف دی آپ کوں گھٹی پئی ہوئی ہئی۔ قرآن و حدیث دی تفسیر وچ خاصا علم رکھدے ہن۔ آپ وی سرائیکی زبان وچ شعر آہدے ہن۔ آپ 1319ھ وچ وصال فرمایا۔ ہک نمونہ:

جیں ول بھالاں جیں ݙو ݙیکھاں جتھاں نظر ٹکاواں 

تیکوں ڄاݨاں تیکوں سمجھاں تیݙا روپ پکاواں

میں حادث توں لڄ پال قدیمی کیویں قدم ودھانواں  

جے نازک یار چا کرم کرے میں چولی انگ نہ مانواں

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان