خواجہ محمد عاقل ؒ ـ
حضرت خواجہ محمد عاقل ؒ قبلۂ عالم حضرت خواجہ نور محمد مہارویؒ دے خلفاء وچوں ہن ۔ سئیں دے اجداد وچ جنہاں دا سلسلہ نسب حضرت فاروق اعظمؒ نال ملدے۔ سئیں دے پیو مخدوم محمد شریف یارا والی دے رئیس مٹھن خاں بلوچ دی خواہش تے اتھاں قیام فرمایا جتھاں ہݨ کوٹ مٹھن آباد ہے۔ سئیں 1151ء وچ پیدا تھئے۔ سئیں کوں درس اَتے تدریس نال خاص شغف ہا ۔ کوٹ مٹھن دے علاوہ شیداݨی وچ وی جتھاں سئیں دا آوݨ ونڄݨ ہا سئیں طلباء کیتے مدرسے بݨوائے ہن ۔روحانیت دیاں منزلاں سئیں نے قبلہ ٔ عالم خواجہ نور محمد مہارویؒ دی رہنمائی وچ طے فرمائی۔ حضرت خواجہ محمد عاقلؒ 8 رجب المرجب 1229ہجری کوں شیداݨی شریف وچ وصال فرما ڳے ۔ کوٹ مٹھن وچ راحت گزین ابدی تھئے۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء