خواجہ فرید ؒ دیں کافیں دا ہندی ترجمہ

قیس فریدی (م) دی کتاب ’’خواجہ فرید ؒ دیں کافیں دا ہندی ترجمہ‘‘1993ء وچ جھوک پبلشرز ملتان چھاپی۔ اے کتاب ہندوستان دی سرائیکی ساتھیہ سنگم دی فرمائش تے خواجہ فریدؒ دے کجھ کافیں دا ہندی ترجمہ ہے ۔ اے کتابچہ خان پور دے مقام توں شائع تھیا۔ظہور احمد دھریجہ اَکھیندن جو

’’اساں 1992ء وچ عالمی سرائیکی کانفرنس دہلی ڳئے تاں ڈھیر ساریاں کتاباں میں نال چا ڳیا ۔ پر اُتھاں دی نوجوان نسل واسطے سرائیکی رسم الخط شاہ مکھی ایویں ہا جیویں اساݙے واسطے گورمکھی یا دیوناگری ۔ ایں موقعے تے اُنہاں خواہش کیتی جو سرائیکی شاعری اساکوں ہندی (دیوناگری) رسم الخط اِچ لکھوا ݙیو ۔ ظہور احمد دھریجہ ݙسیندن جو واپس آ تے قیس فریدی صاحب کو حال احوال ݙتا ۔ قیس فریدی صاحب آکھیا جو کُئی ہندی کتاباں تے ہندی قاعدہ گھن آیو ، میں آکھیا جیا! اُنہاں آکھیا او میکوں ݙیو ۔ میں اُنہاں کوں ہندی قاعدہ ݙتا اَٹھویں ݙیہاڑے اُنہاں قافیاں ہندی رسم الخط اِچ لکھ ݙتیاں ۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی