خواجہ عطاء اللہ تونسوی
خواجہ عطاء اللہ تونسوی خانقاہ سلمانیہ تونسہ شریف دے چھیویں سجادہ نشین ہن۔
ولادت
[لکھو | ماخذ وچ تبدیلی کرو]خواجہ خان محمد تونسوی دے پتر 27 نومبر 1947ء کوں پیدا تھئے۔ آپ دی ولادت توں پہلے خواجہ خان محمد نے خواب وچ خواجہ محمد حامد تونسوی کوں ݙٹھا، جنہاں نے فرمایا کہ "خان محمد، تہاݙے کول ہک پتر پیدا تھیسی، اوندا ناں عطاء اللہ رکھنا۔"
تعلیم و تربیت
[لکھو | ماخذ وچ تبدیلی کرو]آپ دی تعلیم و تربیت دا انتظام خاندان دے رواج دے مطابق کیتا ڳیا۔ آپ دی بیعت و ارادت آپ دے ݙاݙا خواجہ حافظ سدید الدین تونسوی نال تھئی۔ ست سال دی عمر وچ بیعت تھئی تے ݙاݙا جان نے آپ دی تربیت وی خود کیتی۔
مسند خلافت
[لکھو | ماخذ وچ تبدیلی کرو]خواجہ خان محمد تونسوی نے 19 مئی 1969ء کوں اپݨی حیات مبارکہ وچ ای خواجہ عطاء اللہ کوں تحریری طور تے خلافت تے سجادگی عطا کر ݙتی تے عرس مبارک دے موقع تے دستار بندی وی کرائی۔
دستار بندی
[لکھو | ماخذ وچ تبدیلی کرو]خواجہ خان محمد دے وصال دے ترائے ݙیہاڑے بعد، خاندان دے رواج دے مطابق، 06 مئی 1979ء کوں خانقاہ سلمانیہ وچ محفل قل شریف دا انعقاد تھیا۔ ایں اجتماع وچ خواجہ عطاء اللہ دی دستار بندی کیتی ڳئی۔ ایں رسم وچ پاکپتن دے سجادہ نشین دیوان غلام قطب الدین چشتی تے اجمیر شریف دے سجادہ نشین خواجہ دیوان سید آل مجتبی وی شریک تھئے۔ ایں موقع تے ہزاراں مریدین دے علاوہ مہار شریف، تونسہ شریف، سیال شریف تے ٻیاں خانقاہاں دے سجادگان، علما کرام تے اکابرین ملت نے شرکت کیتی۔ صاحبزادہ خواجہ عطاء اللہ کوں مصلہ سلمانی تے ٻٹھایا ڳیا۔ 1979ء توں مصلہ سلیمانی تے سجادہ نشین تھیوݨ دے بعد، آپ نے حج و عمرہ وی ادا کیتا۔ آباء و اجداد دے طریقے دے مطابق، آپ خواجہ فرید الدین مسعود گنج شکر دے عرس وچ پاک پتن شریف تے خواجہ نظام الدین اولیاء دے عرس وچ چشتیاں شریف حاضری ݙیندے ہن۔