خواجہ سید عنایت اللہ شاہ

شاہجہان آباد دہلی انہاں وطن مالوف ہے، ابتدائی عمر وچ ہی مرشد دی تلاش وچ سرگرم ہن۔ آخر سید عبد اللہ شاہ تے یقین تھی ڳیا کہ اے ہی انہاں دی رہنمائی دے کفیل تھی سڳدن۔ انہاں دی خدمت وچ حاضر تھئے اتے ریاضت دیاں تمام منزلاں شیخ مکرم دی زیر نگرانی طے کیتیاں۔ تمام سلاسل وچ اجازت مرحمت فرمائی اتے خلافت عطا کیتی اتے دین حق دی خدمت کیتے وقف کر ݙتا۔ انہاں نے تبلیغ دا فریضہ برصغیر دے مختلف علاقیاں وچ انجام ݙتا۔ خصوصیت نال وادی کشمیر کوں اپݨے وچ نقشبندیت دا فیضان تہاݙے ذریعے خوب پھیلا جیندے اثرات اڄ تک نمایاں ہن۔ نہایت دشوار گزار رستیاں توں اے ارباب ہمت کیویں گزرے ہوسن، اڄ دا سیاح جینکوں ٻہوں ساریاں سہولتاں حاصل ہن حیران و ششدر ہے۔ کشمیر وچ فیض نقشبندیت کوں عام کرݨ دے بعد شاہجہان آباد واپس ول آئے اتے اتھائیں وفات پاتی۔ مزار دہلی وچ ہے۔

خواجہ سید عنایت اللہ او نمایاں بزرگ ہن جنہاں دی نسبت وادی کشمیر نال وݙی مستحکم ہے۔ انہاں دے آثار وی کشمیر وچ رائج تصوف دی تعلیمات وچ وݙے واضح ہن۔ اے وکھری ڳالھ ہے کہ انہاں ترویج اسلام دا مشن عام کریندے ہوئے ایں سرزمین توں واپس ول ڳئے ہن۔