خواجہ سلمان رفیق
| خواجہ سلمان رفیق | |
|---|---|
| معلومات شخصیت | |
| ڄم | 16 فروری 1965ء (60 سال) |
| شہریت |  پاکستان
|
| جماعت | پاکستان مسلم لیگ (ن) |
| مناصب | |
| رکن پنجاب صوبائی اسمبلی [١] | |
| رکن سنہ
15 اگست 2018 | |
| حلقہ انتخاب | حلقہ پی پی-154 |
| پارلیمانی مدت | 17 ویں صوبائی اسمبلی پنجاب |
| عملی زندگی | |
| پیشہ | سیاست دان |
| ماء ٻولی | اردو |
| پیشہ ورانہ زبان | اردو |
درستی - ترمیم 
| |
خواجہ سلمان رفیق ہک پاکستانی سیاست دان ہن۔ اوہ اپریل 2008 توں مارچ 2013 تک، ستمبر 2013 توں مئی 2018 تک تے اگست 2018 توں جنوری 2023 تک پنجاب دی صوبائی اسمبلی دے رکن رہ چکیے ہن۔ اوہ وزیراعلیٰ شہباز شریف دی کابینہ وچ وزیر برائے سپیشلائزڈ ہیلتھ دے طور تے کم کر چکیے ہن تے معاون خصوصی برائے صحت دے طور تے وی خدمات سر انجام ݙتیاں۔ اوہ وزیراعلیٰ حمزہ شہباز دی کابینہ وچ وی وزیر رہ چکے ہن۔
ابتدائی حیاتی تے خاندان
[لکھو | ماخذ وچ تبدیلی کرو]خواجہ سلمان رفیق 16 فروری 1965 کوں پیدا تھئے۔انہاں نے 1990 وچ یونیورسٹی آف انجینئرنگ اینڈ ٹیکنالوجی، لاہور توں مکینیکل انجینئرنگ وچ بی ای دی ڈگری حاصل کیتی۔ ایہہ خواجہ سعد رفیق دے چھوٹے بھرا ہن۔ انہاں دے پیو خواجہ محمد رفیق ہک سیاست دان، تحریک پاکستان دے کارکن تے بعد وچ وزیراعظم ذوالفقار علی بھٹو دے اپوزیشن لیڈر ہن۔ انہاں کوں 1972 وچ قتل کر ݙتا ڳیا تے خاندان نے بھٹو تے انہاں دے قتل دا الزام لایا۔ انہاں دی ماء بیگم فرحت رفیق وی 1985 وچ پنجاب دی صوبائی اسمبلی دی رکن منتخب تھی چکی ہن۔
سیاسی کیریئر
[لکھو | ماخذ وچ تبدیلی کرو]خواجہ سلمان رفیق 2008 دے پاکستانی عام انتخابات وچ حلقہ پی پی 142 (لاہور-VI) توں پاکستان مسلم لیگ (ن) دے امیدوار دے طور تے پنجاب دی صوبائی اسمبلی کیتے منتخب تھئے۔ ایں دور وچ اوہ وزیراعلیٰ پنجاب دے معاون خصوصی برائے صحت رہے۔ اوہ اگست 2013 وچ تھیوݨ آلے ضمنی انتخابات وچ حلقہ پی پی-142 (لاہور-VI) توں مسلم لیگ (ن) دے امیدوار دے طور تے پنجاب دی صوبائی اسمبلی کیتے ولا منتخب تھئے۔ نومبر 2013 وچ، انہاں نے مختصر مدت کیتے وزیراعلیٰ پنجاب دے معاون خصوصی برائے صحت دے طور تے خدمات سر انجام ݙتیاں۔ نومبر 2016 وچ انہاں کوں وزیراعلیٰ شہباز شریف دی صوبائی کابینہ وچ شامل کیتا ڳیا تے انہاں کوں پنجاب دا صوبائی وزیر برائے سپیشلائزڈ ہیلتھ کیئر اینڈ میڈیکل ایجوکیشن بݨایا ڳیا۔ اوہ 2018 دے پاکستانی عام انتخابات وچ حلقہ پی پی 157 (لاہور-XIV) توں مسلم لیگ (ن) دے امیدوار دے طور تے پنجاب دی صوبائی اسمبلی کیتے ولا منتخب تھئے۔