خلیل لشاری

اپݨے ویلھے دے درویش ہن ‘ آپ اسلام لشاری دی ڳوٹھ وچ تعلقہ گھوٹکی وچ پیدا تھئے ۔ عبدالمجید سندھی آہدن کہ انھاندی پیدائش تے وفات دا سن معلوم کینی البتہ اتنا معلوم تھئے جو آپ نور محمد کلہوڑے دے دور وچ 18صدی عیسوی وچ گزرین۔ گھوٹکی دے بزرگ محسن شاہ عرف موسن شاہ دے ہمعصر ہن۔ انھاں نال خلیل لشاری کوں وݙی عقیدت ہئی میر حسان الحیدری خلیل لشاری کوں سچل سرمست دا ہمعصر آہدن تے انھاندی وفات دا سن 1800ء دے نیڑے تیڑے ݙیندن۔

کو ڳال سݨا واہ واہ

تاں سودا سچ تھیا ٹھاہ پا

چھاتی دے وچ جھاتی ہے

ساکوں فیض حیاتی ہے

لڳی اوڑک تے جھنگ وساتی ہے

لڳی بھڑک برہ دی بھا

خارج خارج لری لری

جا اے لہندا ذری ذری

عشق دا پینڈا پری پری

گھر گھٹیاں ولے راہ

محمود ایاز مل شامل

قابو عشق کتوئی کامل

نفس تاوار پڑھن پے عامل

عشق نہاں گمراہ

لکھت چھپت خلیل کہواویں

ہوویں چور تے ساد سݙانویں

سو ساواں تھی وچ سماویں

کہا الارا کلہا کھم کاہ

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان