خلیل احمد فریدی
اصل ناں خلیل احمد
قلمی ناں خلیل احمد فریدیؔ
جٖمنْ 1968ء
تعلیم ایف اے
پیشہ ٹیچر
فون نمبر 0333 8553225
جاہ پتہ داجل تحصیل جام پور ،ضلع راجن پور
غزل
[لکھو | ماخذ وچ تبدیلی کرو]ہزاراں سال پہلے ہئی محبت
کہیں دے نال پہلے ہئی محبت
جتھاں نفرت دا میلہ اڄ لڳا ہے
ایں جاہ تے لال پہلے ہئی محبت
کہیں وی بھوئیں پھرندڑ دے اندر دا
ونڈیندی حال پہلے ہئی محبت
ڈٖینہاں راتیں کہیں دی خیر منگݨی
بھلیندی بھال پہلے ہئی محبت
فریدیؔ اڄ خوشی تے غم ہے اپݨاں
اوندی بھائیوال پہلے ہئی محبت
؎کہیں دی سک ہے میکوں سمبھالیا
نتاں جہان اچ میں رُل ون٘ڄاں ہا
غزل
[لکھو | ماخذ وچ تبدیلی کرو]ویلہا کھیݙݨ دا ہائی زندگی کھیݙ گھن
جھول مٹیاں دے بھر آ اڑی کھیݙ گھن
چندر ۔۔۔۔ ݙو ݙیکھ ویندی چکوری پئی
کھݙدی پئی چاندݨی توں اٹھی کھیݙ گھن
کھیڈ جھمراں محبت دے پڑ کوں پکا
دھوڑ نفرت دی ٻہندی ویسی کھیݙ گھن
وسدے سانوݨ دی پہلی پھنگار اے اڑی
ہر کݨی نال بݨ تے کݨی کھیݙ گھن
جھنڑک ۔۔ ملے کتھاہوں کئی تہمت لگے
عاجزی کھیݙ ہے جے اندی کھیݙ گھن
اینجھا سݙ مار سینگیاں کٹھیاں تھی ونجن
ایویں ۔ گھر ٻیٹھی نہ رہ کلہی کھیݙ گھن
جیڑھی ۔۔۔۔ جھمر فریدی کھڑی ہے رسی
میندی پیریں توݨے پئی لڳی کھیݙ گھن
"ڈوہڑہ"
[لکھو | ماخذ وچ تبدیلی کرو]سئیں خلیل احمد فریدی
نہ کرݨ دیاں ڳالھیں ہوندیاں ھِن، توں کرݨ دیاں ڳالھیں کیتیاں کر۔
ٻݙموئیں دا حال، ملاح ݙیسن توں ترݨ دیاں ڳالھیں کیتیاں کر۔
ٻہہ نال میݙے، تیݙیاں لکھ منتاں، نہ ݙرݨ دیاں ڳالھیں کیتیاں کر ۔
توں آیا فریدی، جیوݨ ہئیں، نہ مرݨ دیاں ڳالھیں کیتیاں کر۔
٭٭٭