خلیج عقبہ

خلیج عقبہ بحیرہ احمر دی ہِک شاخ ہے جیڑھی جزیرہ نما سینا دے پوادھ جزیرہ نما عرب دے پچادھ وِچ واقع ہے۔ ایندے ساحلاں نال مصر، اسرائیل، اردن تیں سعودی عرب دیاں سرحداں لڳدیاں ہِن۔

خلیج عقبہ اٻھے بحیرہ احمر وِچ جزیرہ نما سینا دے آس پاس بݨݨ آلیاں ݙو خلیجاں وِچوں ہِک ہے، ݙوجھی خلیج سوئز ہے جیڑھی سینا دے پچھادھ پاسے ہے۔

خلیج عقبہ زیادہ توں زیادہ 24 کلومیٹر چوڑی تیں آبنائے تیران توں اٻھے دی طرف 160 کلومیٹر لمبی ہے۔ خلیج دے اٻھے حصے تے ترائے اہم شہر طابا (مصر)، ایلات (اسرائیل) تیں عقبہ (اردن) واقع ہِن۔ اے ترائے شہر نہ صرف اہم تجارتی بندرگاہواں ہِن بلکہ سیاحتی حوالے نال وی ٻہوں مشہور ہِن۔ جزیرہ نما سینا دا شہر شرم الشیخ وی اِیں خلیج دے کنارے تے واقع ہے۔

اسرائیل وِچ اِیں خلیج کوں "خلیج ایلات" آکھیا ویندے۔ اسرائیل دا شہر ایلات اِیں دے کنارے تے ہے جتھوں عام کشتی وی ہِک گھنٹے وِچ سعودی عرب دی بندرگاہ جدہ پُہنچ سڳدی ہے۔ اِیں سانگے ایلات دا شہر اسرائیل کوں ݙیوݨ کیتے برطانیہ نے اردن تیں فلسطین دے ٻہوں سارے علاقے کَٹ تے اسرائیل کوں ݙے ݙتے ہَن۔