خان گڑھ

سرائیکی وسیب ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

مظفر گڑھ

ضلع مظفر گڑھ سرائیکی دا ہِک اہم شہر ہِے۔ اِیندے شمال وِچ لیّہ، مشرق والے پاسے دریائے چناب تے اِیندے پار ضلع ملتان ہِے، جنوب دے پاسے ضلع بہاول پور تے ضلع رحیم یار خان ہِن، مغرف دے پاسے دریائے سندھ اَتے اِیندے پار ڈیرہ غازی خان تے راجن پور دے اضلاع ہِن۔ مظفر گڑھ دِی بنیاد نواب مظفر خان نے ہِک قلعہ بݨوا تے رکھی ہَئی، علم و اَدب دِی روایت اِبتداء تُوں اِی چلدی آندی ہِے۔

خان گڑھ دا لوک ادب       

خان گڑھ، شہر مظفر گڑھ توں علی پور ونڄݨ والی سڑک اُتے 16 کلو میٹر دے فاصلے تے دریائے چناب دے کنݙے آباد ہِے۔ شمس اَتے موج، پراݨے زمانے دے معروف شاعر ہِن اُنھاں دا تعلق اِیں شہر نال ہِے، معروف سیاست دان نواب زادہ نصراللہ خاں وِی اِتھائوں دے راہݨ والے ہَن۔ موجودہ دور دے شاعراں وِچُوں اَختر حسین مُخلص (ہوک)، زوار حسین زوار (پِینگھ، سچی سانڄھ) دے شاعری دے مجموعے چھپ چُکن۔ محسن جعفری دِیاں (چندر چہرہ، کچیاں کلیاں، پہلا پتھر، پتھریلا پندھ) کتاباں چھپ چُکین۔

ٻِیا ݙیکھو

• ملتان دا لوک ادب

• مظفر گڑھ

• سرائیکی وسیب

• سرائیکی وسیب دی ثقافت

ٻاہرلے جوڑ  

• ڈاکٹر خالد اقبال صیب دی لائبریری دا ٻِیا مواد

• تاریخ ملتان۔ حصّہ اوّل آرکائیو تھئی ہوئی۔ (آرکائیو ڈاٹ او آر جی) اُتے۔

• ملتان دے وِچ سرائیکی ٻولی دا علمی اَدبی خزانہ جیڑھا انجو انج لائبریریاں وِچ موجود ہِے۔۔۔۔۔۔۔۔