خان پور کٹورا

مٹی دے تھاں  بݨاوݨ آلئیں  کوں  کمبہار تے پیتل دے تھاں  بݨاوݨ آلئیں  کوں  ٹھٹھار آکھدن ، خان پور وݙے ٹھٹھار ہن جیرھے پیتل دے تھاں  بݨیندے ہن۔ خان پور دے تھاں  دلی تئیں  مشہور ہن ، کٹورے اعلیٰ بݨدے ہَن ، ایں  سانگے خان پور کٹورا مشہور ہے ۔ چاچا عبداللہ ݙسیندن ہک شارک پیتل نال کاریگریں  وݙا منگر بݨایا تے گاندھی کوں  خان پور اسٹیشن تے تحفہ ݙتا اوں  آکھیا جئیں  بندے بݨائے او میکوں  ݙکھائو ، آکھدن گاندھی گاݙی تے کراچی ویندا پیا ہا، خان پور دے کاریگر جس دے تھاں  وی بݨیندے ہَن ، خان پور دا محلہ ٹھٹھاراں  ہنائیں  دی یادگار ءِ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان