خان پور دی تعریف
خان پور دے سیاستدان اسد شاہ تے اوندے والد الطاف شاہ میݙے نانا سئیں کول اَمدے ہَن ۔ہُنائیں سید الطاف حسین دے ناں تے اَکھیں دا ہسپتال وی بݨوایا ہے۔خان پور دی ݙاڈھی تعریف کریندے ہَن ۔توݨی لاہور رہندے ہَن خان پور نال عشق ہا نے۔ آکھدے ہَن جو خان پورخان پور ءِ، اتھاں ملک دے ممتاز عالم دین ، روحانی شخصیات پیدا تھیاں ،اِنھاں وچ مولانا سراج احمد مکھݨ ٻیلوی ،سراج اہلسنت مولانا سراج احمد، درویش صفت اللہ والیاں وچ بانی دین پور شریف سئیں غلام محمد اول دین پور شریف جیڑھا جو ضلع جھنگ توں ہجرت کرکے خان پور تشریف گھن آئے تے اپݨے مرشد کریم حافظ محمد صدیق دے حکم تے خان پور دے اِی تھی کے رہ ڳئے ۔ اُنہاں دے جانشین عالم باعمل حضرت مولانا میاں عبدالہادی خلیفہ دوم دے بعد انہاں دے ہن ۔ صاحبزادے ممتاز روحانی شخصیت پیر و مرشد میاں سراج احمددین پوری ہن ۔ ممتاز عالم دین حافظ الحدیث شیخ القرآن مولانا محمد عبداللہ درخواستی مرحومؒ، مولانا عبدالشکور دین پوری تے مولانا غلام مصطفیٰ مرحومؒ و مغفور دا تعلق وی ایں سر زمین خان پور توں ہے ۔ اِتھوں دی پیداوار وچ کݨک ، چنے ، چاول ، دال ، ڳنا ، مکئی ، تمباکو ، مرچ ، کپاہ تے ٻئی اجناس بکثرت پیدا تھیندن ۔ جیندے نال ملک دے ݙوجھے علاقیاں دے علاوہ بیرون ممالک وچ وی بھیڄا ویندے۔او ڳالہیں کریندے ہن جو خان پور وچ قدیم مقامی باشندیاں دے علاوہ مہاجر آباد کار باشندے وی کثیر تعداد وچ آباد ہِن ۔ مقامی لوکاں وچ اقوام کھوکھر ، داد پوترہ عباسی ، ݙاہر ، بلوچ ، چاچڑ ، ماچھی ، دھریجہ ، بھٹہ ، لاڑ تے ٻئی قوماں قدیم طور تے آباد ہِن ۔ جیڑھی جو ایں دھرتی دے سپوت ہِن جݙݨ جو ݙوجھی قوماں وچ مہاجر آبادکاراں وچ او لوک شامل ہِن جنہاں دے آبائو اجداد یا تاں جنگی مہارت یا تبلیغ اسلام دے سلسلے وچ اِتھاں آئے تے اِتھوں دے تھی کے رہ ڳئے ۔ او ݙسیندے ہن جو نواب صاحب دا احسان ءِجو انہاں اسیکوں خانپور ءِچ جاگیراں ݙتیاں ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان