خانیوال جنکشن ریلوے ٹیشݨ

خانیوال جنکشن ریلوے ٹیشݨ صوبہ پنجاب دے شہر خانیوال اچ واقع ہے ۔ اے پاکستان ریلوے دا ہک اہم ریلوے ٹیشݨ ہے تے خانیوال-وزیر آباد براستہ فیصل آباد برانچ ریلوے لائن دا جنکشن وی ہے۔

تاریخ

پاکستان اچ اگر روہڑی جنکشن دے بعد کوئی مشہور جنکشن ہے تاں اوہ خانیوال جنکشن ہے۔ خانیوال جنکشن پشاور، لاہور، کراچی مین لائن تے ڈیرہ تاج ریلوے ٹیشݨ تے شام کوٹ ریلوے ٹیشݨ دے آدھی اچ واقع ہے جیہڑا ملتان ریلوے ڈویژن اچ سب توں وݙا تے اہم جنکشن ہے۔

ٹریناں

ایتھاں مرکزی ریلوے لائن توں گزرݨ آلیاں تقریباً ساریاں ٹریناں رکدیاں ہن۔ ایتھو لاہور، کراچی، فیصل آباد، سرگودھا، ملتان، کوئٹہ، ونجݨ آلیاں ساریاں گݙیاں دے سٹاپ ہن سوائے عبد الرحمان بابا ایکسپریس 47&48 دے۔

برانچ لائن

ایتھو ہک برانچ لائن شروع تھی کے براستہ شورکوٹ کینٹ جنکشن، فیصل آباد، سانگلہ ہل جنکشن توں وزیر آباد جنکشن تے کراچی، پشاور مین لائن نال مل ویندی ہے جیندی وجہ توں اینکوں خانیوال، وزیر آباد برانچ لائن آکھیا ویندے۔

کورڈ لائن

خانیوال توں ہک لائن براستہ جہانیاں، دنیاپور تے لودھراں ویندی ہے جیندی وجہ توں اینکوں کورڈ لائن آہدے ہن۔ ایتھوں ملتان ونجݨ توں بغیر ڈائریکٹ لودھراں، بہاولپور ونڄ سڳدے ہن۔

سہولیات

خانیوال جنکشن ریلوے ٹیشݨ تے مسافریں کیتے مختلف سہولیات موجود ہن، جنہیں وچ انتظار گاہ، ٹکٹ گھر، تے دکاناں شامل ہن۔

رابطہ

خانیوال شہر دا فون کوڈ 065 ہے تے خانیوال جنکشن ریلوے ٹیشݨ دا فون نمبر 9200312 ہے۔