احمد بن شعیب النسائی

امام نسائی (پیدائش: 829ء— وفات: 28 اگست 915ء) صحاح ستہ وچ موجود سنن نسائی دے مؤلف تے محدث ہن۔

امام نسائی آپ دا ناں " احمد " تے کنیت ابو عبد الرحمان تے والد دا ناں شعیب ہے۔ پورا نسب ایویں ہے: احمد ابن شعیب ابن علی ابن بحر ابن سنان ابن دینار النسائی۔ ابو عبد الرحمن کنیت ہے، لقب حافظ الحدیث ہے۔ ناں: احمد بن شعیب بن یحییٰ بن سنان بن دینار نسائی خراسانی ہے۔ شہر مرو دے قریب ”نساء“ ترکمانستانمیں 214ھ وچ ولادت تھئی، اسی دی طرف منسوب تھی کے ”نسائی“ تے کݙہیں ”نسوی“ سݙیندے ہن۔

حصول علم

اپݨے دیار دے شیوخ توں اخذِ علم دے بعد، 23ھ وچ قتیبہ بن سعید دی خدمت وچ حاضر تھئے تے انہاں توں ݙو سال استفادہ کیتا، اس دے علاوہ خراسان، عراق، حجاز، جزیرہ، شام تے مصر وغیرہ مختلف مقامات دا سفر کیتا، اس دے بعد مصر وچ سکونت اختیار کر گھدی تے افادہ و تصنیف وچ مشغول ریہے۔ ذی قعدہ 302ھ وچ مصر توں دمشق آگئے۔

تصانیف

امام نسائی نے مجاہد و ریاضت تے زہد و ورع دے نال نال جہاد اینجھی مصرفیات دے باوجود متعدد کتب تصنیف کیتیاں، جنہاں دا اجمالی ذکر ایویں ہے :

1. السنن الکبریٰ
2. المجتبیٰ
3. خصائص علی
4. مسند علی
5. مسند مالک
6. کتاب التمیز
7. کتاب المدلسین
8. کتاب الضعفاء
9. کتاب الاخوۃ
10. مسند منصور
11. مسیخۃ النسائی
12. اسماء الرواۃ
13. مناسک حج