خادم حسین رازی
اصل ناں خادم حسین
تخلص رازیؔ
جٖمنْ 1956ء
تعلیم پرائمری
پیشہ محنت مزدوری
جاہ پتہ فرید آباد خان پور نورنگا ضلع بہاولپور
خان پور نو رنگا ہووے تے بھانویں نور پور نو رنگا ایہ علاقہ شعرو ادب دے حوالے نال بٖہوں زر خیز ہے،جئیں دلنور نور پوری ، ممتاز احمد زاہد ، تے خادم حسین مخفی جھئیں نامور شاعر پیدا کیتے۔اتھاؤں دی پیدا وار ہک اہم ناں خادم حسین رازی دا وی ہے۔جنہاں دے کئی شعری مجموعے وی چھپ چکے ہن ۔آپ دے ڈٖوجھے مجموعے ’’ تِل پھُل ‘‘ اچوں آپ دا غزلیہ کلام حاضر ہے۔
غزل
[لکھو | ماخذ وچ تبدیلی کرو]بے شک جانی پیار نہ کر توں
نال میڈٖے اقرار نہ کر توں
کوڈٖی دے مُل ویچ ڈٖے بھانویں
شو میڈٖا بازار نہ کر توں
دل دے بدلے دل میں ڈٖینداں
سودا نقد ادھار نہ کر توں
اپنْے ول وی اپنْے ہوندن
غیراں تے عتبار نہ کر توں
رازیؔ میں ہاں جیجھاں کیجھاں
گٖل چا لا انکار نہ کر توں
٭٭٭