حیدر بزدار
اصل ناں غلام حیدر
قلمی ناں حیدر بزدار
جمن 1968ء
تعلیم پرائمری
پیشہ تولیہ فیکٹری کراچی وچ ٹھیکیداری
فون نمبر 03002122047
جاہ پتہ بھوگی والا چوٹی زیرین ڈیرہ غازیخان
(1)غزل
[لکھو | ماخذ وچ تبدیلی کرو]تیڈے رستے سجاون دی اجاں عادت اوئیں ہے پئی
زخم کھا مسکراون دی اجاں عادت اوئیں ہے پئی
مسلسل ہار وی میڈے ارادے نئیںختم کیتے
مقدر آزماون دی اجاں عادت اوئیں ہے پئی
توڑے کہیں عید تے تیڈا کوئی قاصد نہیں آیا
مگر چنّی رنگاون دی اجاں عادت اوئیں ہے پئی
میڈے ہتھ دی ہتھیلی توں لکیراں مٹ گیاں توڑے
ولا وی ہتھ ڈکھاون دی اجاں عادت اوئیں ہے پئی
میڈی حیدر ؔاجن توڑیں اوئیں در دے ولیکھے توں
جھکا تھی جھات پاون دی اجاں عادت اوئیں ہے پئی
____________________
حوصلے حیدر ؔبلندی تے پُچا کے نہ گِرا
جوش جذبے سینے دیوچ ٹھر ونجن نئیں زندگی
٭٭٭