حیات ملتانی
اصل ناں محمد حیات
قلمی ناں حیات ملتانی
جٖمنْ 1922ء
جاہ پتہ محلہ عباس پورہ ملتان
حیات ملتانی بنیادی طور تے ڈٖوہڑہ ، گیت تے نظم دے شاعر ہن غزل وی لکھدن۔غزل دا نمونہ حاضر ہے!
غزل
[لکھو | ماخذ وچ تبدیلی کرو]جڈٖاں اوں بزم وچ صورت ڈٖکھائی ہے
نظر میڈٖی بٖئی ہر شئے بھلائی ہے
سدا ایویں ریہا ہے جام ہتھ وچ
جو سدھ ہئی کول میں اووی بھلائی ہے
پیا قدماں دیوچ ہم پگٖلا بنْ کے
جڈٖاں او گھنڈ دیوچ مسکرائی ہے
گھمنڈ میکوں ہا پر بے ہوش ہم میں
نظر قاتل جڈٖاں اَن آزمائی ہے
حیات اپنْی حیاتی راہ تے کھڑ تے
محبت وچ اوندے ناں تے لٹائی ہے
؎محبت وچ جفا توں در گزر کرنْاں ہی پوندا ہے
کہ چن کوں ڈٖیکھ کے آندا حیا اِنتے حیا اُنتے
٭٭٭