حنا عنبرین
حنا عنبرین سرائیکی شاعرہ ہے ۔
ڄم پل
[لکھو | ماخذ وچ تبدیلی کرو]ملتان شہر
نمونہ کلام
[لکھو | ماخذ وچ تبدیلی کرو]اَڑِی کیا گِھنسیں اَڑِی کیا گِھنسیں ؟
سُکھ ساہ گِھنسیں سر گھا گِھنسیں ؟
اَڑی کملی تھی ڳئیں ہوش نِوی
ٹَھڈے موسم ویچ کے بھا گِھنسیں ؟
اَڑی مال چراوڑیں سوکھے نئیں
پَنڈ گھا دی سر تے چا گِھنسیں ؟
دنیا نال جھیڑا تھی ڳیا تاں !
گھر والیں کوں سمجھا گِھنسیں ؟
توں ٻُکِل ولیٹی عشق دی اے
خَشبو کِھنڈسی مُکلا گِھنسیں ؟
پُچھ عشق تھلوچِنڑ نار کولوں
صحرا گھنسیں ؟ دریا گِھنسیں ؟
منہ زور ہوا اُتوں رات ہوسی
تَتی رات کوں ڈیوا چا گھنسیں ؟
اَڑی عشق مِلیسی مِٹی وِچ
تو دُھوڑ مِٹی سِر پا گھنسیں ؟
حنا عنبرین
عشق
[لکھو | ماخذ وچ تبدیلی کرو]عشق مچاوے بہوں تھرتھلی عقل کرے بیمار
نہ کئی شرم نہ عار
جیتن جیتن کیا ہوندا اےمن گھندے ہیں ہار
صِدق دا کیا بیوپار
کئی کئی واری کوٹھے چڑھدی کئی کئی واری لہندی
مونجھ تیڈی دی باندی
تپدے تھل اچ ٹردی ویندی سسّی پباں بھار
دشت فنا دے پار
کیہڑی جاہ تے آ وَسّی اے انت روہی دی راݨی
دل لاون دی جاچ سکھاوݨ آوے کُئی اوتار
نئیں تاں سب بے کار
ملݨ وچھڑݨ کیا ہوندا اے دل کوں دل نال راہ
دل دی گال کوں دل پج ویندن نہ کُئی خط نہ تار
عشق نئیں آزار
حنا عنبرین