حمیدہ کھوڑو
حمیدہ کھوڑو (13 اگست، 1936 - 12 فروری، 2017)[١] ہک پاکستانی سیاست دان تے مورخ تھئی ہَئی جنّھاں نے ݙو واری سندھ دی وزیر تعلیم دے طور تے خدمات انجام ݙتیاں۔ انّھاں نے سندھ یونیورسٹی وچ تاریخ دی پروفیسر دے طور تے وی خدمات سر انجام ݙتیاں۔[٢][٣]
ٹبّر اَتے تعلیم
[لکھو | ماخذ وچ تبدیلی کرو]حمیدہ کھوڑو سندھ دے سابق وزیر اعلیٰ محمد ایوب کھوڑو دی دِھی ہَن۔ انّھاں دے والد ایوب کھوڑو سندھ دے متنازع سیاست دان رہیں ہَن۔ جݙݨ پاکستان وچ ون یونٹ دا قیام عمل وچ آیا، سندھ، بلوچستان تے خیبر پختونخوا کوں پنجاب دے نال ملا تے ہک انتظامی یونٹ بݨایا ڳیا تاں اس وقت اوہ سندھ دے وزیر اعلیٰ ہَن۔ انّھاں نے لندن یونیورسٹی توں جنوب ایشیائی تاریخ وچ پی ایچ ڈی دی تعلیم حاصل کِیتی۔ انّھاں نے کراچی، کیمبرج تے آکسفورڈ دی یونیورسٹیاں وچ وی تعلیم حاصل کِیتی۔
کَم کار آلی حیاتی
[لکھو | ماخذ وچ تبدیلی کرو]اکیڈمی
[لکھو | ماخذ وچ تبدیلی کرو]ہک تعلیمی مورخ دے طور تے حمیدہ کھوڑو نے سندھ یونیورسٹی وچ پروفیسر بݨݨ توں پہلے کراچی تے آکسفورڈ یونیورسٹی وچ وی پڑھایا۔
سیاسی
[لکھو | ماخذ وچ تبدیلی کرو]1971ء وچ جݙݨ مشرقی پاکستان وچ فوجی کارروائی شروع تھئی تاں اوہ آکسفورڈ یونیورسٹی دی طالبہ ہَن۔ اوہ انّھاں چند پاکستانیاں وچوں ہک ہَن جنّھاں نے کھل تے اس دی مذمت کریندے ہوئے آکھا: "مینوں پاکستانی تھیوݨ تے شرم آندی ہَئی۔" مغربی پاکستان وچ پریس نے فوجی کارروائی دی مذمت کرݨ تے انّھاں دی مذمت کِیتی۔ اوہ 1987ء وچ سندھ نیشنل الائنس وچ شامل تھئیں تے 1993ء وچ پاکستان مسلم لیگ دی رکن بݨیں۔ اوہ 1990ء وچ سندھ دی وزیر تعلیم بݨیں۔ انّھاں نے تعلیم تے خواندگی دے وزیر دے طور تے وی خدمات انجام ݙتیاں۔ 2004ء وچ انّھاں کوں دوبارہ وزیر تعلیم مقرر کِیتا ڳیا۔
اَدبی پورھئیا
انّھاں دی مشہور تصانیف وچ 'سندھ تھرو سینچریز'، 'دی میکنگ آف ماڈرن سندھ'، 'کراچی میگا سٹی آف اوور ٹائمز' شامل ہَن۔ انّھاں نے اپݨے والد دی یادداشتیں تے مشتمل کتاب 'محمد ایوب کھوڑو لائف آف کریج ان پالیٹکس' وی تحریر کِیتی۔ انّھاں نے آکسفورڈ دی طرفوں بچّیاں کِیتے چاراں صوبیاں دی مختصر تاریخ لِکّھی۔
فوتڳی
[لکھو | ماخذ وچ تبدیلی کرو]حمیدہ کھوڑو 80 سال دی عمر وچ 12 فروری 2017ء کوں مختصر علالت دے بعد کراچی وچ انتقال کر ڳئیں۔ انّھاں دے خاندان دا آکھݨ ہَئی جو کھاݨے دے بعد انّھاں دی طبیعت بگڑ ڳئی تے اوہ انتقال کر ڳئیں۔
کتاباں
[لکھو | ماخذ وچ تبدیلی کرو]- سندھ صدیوں میں کراچی
- جدید سندھ کی تشکیل: برٹش پالیسی اور سماجی تبدیلی انیسویں صدی میں
- حمیدہ کھوڑو، محمد ایوب کھوڑو: سیاست میں جرات مندانہ زندگی
- کراچی ہمارے وقت کا بڑا شہر