حمزہ شہباز شریف

حمزہ شہباز شریف
(انگریزی : Hamza Shahbaz)
مناصب
رکن چودہویں قومی اسمبلی پاکستان
رکن مدت 1 جون 2013  – 31 مئی 2018
حلقہ انتخاب	حلقہ این اے۔119
رکن پنجاب صوبائی اسمبلی
رکن سنہ 15 اگست 2018
حلقہ انتخاب	پی پی-146
پارلیمانی مدت	17 ویں صوبائی اسمبلی پنجاب
وزیر اعلیٰ پنجاب
برسر عہدہ 30 اپریل 2022  – 26 جولا‎ئی 2022
معلومات شخصیت
ڄمݨ	6 ستمبر 1974ء (51 سال)  لاہور
شہریت	پاکستان
جماعت	پاکستان مسلم لیگ (ن)
پیو	میاں محمد شہباز شریف
عملی زندگی
مادر علمی	گورنمنٹ کالج یونیورسٹی لاہور
کم	سیاست دان
ماء ٻولی	پنجابی
پیشہ ورانہ زبان	پنجابی

محمد حمزہ شہباز شریف ہک پاکستانی سیاست دان، رکن صوبائی اسمبلی پنجاب، سابقہ رکن قومی اسمبلی پاکستان، سابقہ وزیر اعلیٰ پنجاب ہن۔

ڄمݨ

6 ستمبر 1974ء کوں میاں شہباز شریف دے گھر لاہور وچ پیدا تھئے۔

تعلیم

گورنمنٹ کالج لاہور توں گریجویشن کیتی، لندن اسکول آف اکنامکس توں ایل ایل بی کیتا۔

ذاتی زندگی

ان کا تعلق لاہور کے ایک صنعت کار اور سیاسی خاندان سے ہے، ان کے تایا میاں محمد نواز شریف سابقہ وزیر اعظم اور والد میاں شہباز شریف موجود وزیر اعظم پاکستان ہیں، مریم نواز ان کی کزن ہیں۔

انہاں دا تعلق لاہور دے ہک صنعت کار اتے سیاسی خاندان نال ہے، انہاں دے تایا میاں محمد نواز شریف سابقہ وزیر اعظم اتے والد میاں شہباز شریف موجودہ وزیر اعظم پاکستان ہن، مریم نواز انہاں دی سوتر ہن۔ حمزہ شہباز دیاں ݙو ذالیں ہن۔ کرنل راس دی دھی اتے پی ٹی آئی دے صوبائی وزیر مراد راس دی بھیݨ مہر النساء نال حمزہ شہباز نے پسند دی شادی کیتی ہئی، تاہم ایں شادی وچ ماء پیو دی بھرپور رضامندی وی شامل ہئی۔ ماء اتے خاندان نے لاہور دی کشمیری اشرافیہ دے ہاں حمزہ دی ڈاکٹر رابعہ خان نال انہاں دی پہلی اتے خاندانی شادی 2012ء وچ کیتی ہئی۔ رابعہ خان ودھ تر بیرون ملک رہندیاں ہن، جنہاں توں حمزہ شہباز دی کلہی اولاد ہک دھی سماویہ ہے جیہڑی 7 فروری 2019ء کوں لندن وچ پیدا تھئی۔

عملی زندگی

سپورٹس بورڈ پنجاب دے چیئرمین وی تعینات رہے، حصول تعلیم دے بعد صنعت و حرفت نال وابستہ تھئے۔ مشرف دور توں انہاں قید و بند اتے یرغمال بݨاوݨ دے عوامل نے انہاں دی خوب سیاسی تربیت کیتی آمریت دے دور وچ جݙاں شریف خاندان کوں جلاوطن کر ݙتا ڳیا تاں پرویزمشرف نے اوں ویلے دے نوجوان حمزہ شہباز کوں اے آکھ تے پاکستان روک ڳھدا جو شریف خاندان دے گرنٹر دے طور تے حمزہ شہباز اتھائیں رہسن۔ 2008ء اتے 2013ء دے انتخابات وچ رکن قومی اسمبلی منتخب تھئے، 2018ء دے انتخابات وچ رکن قومی اسمبلی اتے رکن پنجاب اسمبلی منتخب تھئے، مگر قومی اسمبلی دی رکنیت چھوڑ تے صوبائی اسمبلی تے براجمان رہے اتے قائد حزب اختلاف (پنجاب اسمبلی) مقرر کیتے ڳئے۔

وزیر اعلیٰ پنجاب

حمزہ شہباز 30 اپریل 2022ء کوں وزیر اعلیٰ پنجاب بݨے، جݙاں عثمان بزدار دے استعفیٰ دے بعد اپوزیشن جماعتاں دی جانب توں حمزہ کوں وزیر اعلیٰ پنجاب دا امیدوار نامزد کیتا ڳیا ہئی۔ انہاں 30 اپریل 2022ء کوں پنجاب دے قانونی طور تے ناجائز 19ویں وزیر اعلیٰ دے طور تے حلف چاتا۔ انہاں دے کول ترائے سیاسی جماعتاں اتے 4 آزاد امیدواراں تے مشتمل حکمران اتحاد وچ 11 نشستاں دی اکثریت ہئی۔ تاہم سپریم کورٹ آف پاکستان دی جانب توں ݙتے ڳئے احکامات دی روشنی وچ حمزہ شہباز کوں کݙاہیں وزیر اعلیٰ نہ ہووݨ اتے انہاں دے انتخاب کوں کالعدم قرار ݙیوݨ دے نال نال انہاں دے دور حکومت وچ ݙتے ڳئے سارے احکامات کوں کالعدم قرار ݙتا ڳیا ہئی۔ وزیر اعلیٰٰ دے انتخاب کیتے صوبائی اسمبلی دے انتخابات وچ ووٹاں دی اکثریت حاصل کرݨ اتے سپریم کورٹ دے یکے بعد دیگرے فیصلے دی وجہ توں انہاں دے بعد چوہدری پرویز الٰہی پنجاب دے باضابطہ طور تے اعلان کردہ 19ویں وزیر اعلیٰ دے طور تے کامیاب تھئے۔