حلیم بروہی

سندھی زبان دے مقبول مزاح تے ناول نگار حلیم بروہی نے 5 اگست، 1935ء وچ حیدرآباد، پاکستان دے ہک پولیس افسر عبد العزیز دے گھر وچ ڄمیے۔ انہاں نے ایل ایل بی دے بعد وچ وکالت شروع کیتی۔ بعد وچ انہاں نے سندھ یونیورسٹی جامشورو وچ ملازمت اختیار کیتی۔ حلیم بروہی نے انگریزی تے سندھی زبانیں وچ ݙاہ کتاباں لکھیاں۔ جنہاں وچ ’حلیم شو‘ سندھی وچ انہاں دی مقبول ترین کتاب رہی ہے۔ انہاں نے انوی سو پچھہتر وچ ’اوڑاھ‘ دے ناں نال ہک ناول لکھی جیہڑا نوجوانیں وچ کافی مقبول تھیا۔ انہاں دے انگریزی کالماں دا ہک انتخاب وی شائع تھیا۔ اوہ ہک منفرد شخصیت تے منفرد اصولیں دے حامی ادیب ہن۔ انہاں کوں انگریزی زبان تے ٻہوں چنڳھی دسترس حاصل ہئی۔ اوہ انگریزی اخبار دی فرنٹیئر پوسٹ وچ اکثر کالم لکھدے رہے۔ حلیم بروہی اپݨے ادبی نظریات تے اصولیں دی وجہ توں کافی متنازع وی رہے ہن۔ انہاں نے طویل عرصے تک سندھی کوں رومن اسکرپٹ وچ لکھݨ دی تحریک چلائی۔ تاہم سندھی زبان دے کئی ممتاز ادیب انہاں دی ایں تحریک تے مہم دے خلاف ہن۔