حفنی اور فینحاس

حفنی تے فینحاس سردار کاہن عیلی دے پتر ہن۔ سفر صموئیل اول انہیں کوں شیلوہ دے حرم وچ حکمران کاہن دے طور تے بیان کریندا ہے، جیہڑے حنہ دے زمانے وچ ہن۔ یوسفیوس فلافیوس دے مطابق، فینحاس نے اپݨے پیو دے بݙھیپے دی وجہ توں اعلیٰ کاہن دیاں ذمہ داریاں سنبھال ڳھدیاں ہن۔ اوہ عہد دے تابوت دی حفاظت کریندے ہن تے معرکہ افیق وچ مارے ڳئے، جݙاں کہ فلستیاں نے تابوت تے قبضہ کر ڳھدا۔

کتابی بیانیے وچ حفنی تے فینحاس کوں غیر قانونی اعمال وچ ملوث ہوݨ تے تنقید دا نشانہ بݨایا ڳیا اے، جیویں کہ قربانیاں دے بہترین حصے کوں اپݨے کیتے رکھ ڳھنݨ تے ہیکل وچ خدمت کرݨ آلیاں تریمتیں نال تعلق قائم کرݨا۔ سفر صموئیل اول (باب 2، آیت 12) وچ انہیں کوں "بنی بلیعال" (یعنی شیطان دے پتر) آکھیا ڳیا ہے۔ انہاں دے برے اعمال نے خدا دے غضب کوں بھڑکایا، جیندے نتیجے وچ عالی دے خاندان تے لعنت نازل تھئی۔ اوہ، ایندے ݙونہیں پتر حفنی تے فینحاس تے فینحاس دی ذال سب ہک ہی ݙینہہ وچ ہلاک تھی ڳئے، جݙاں فلستیاں نے بنی اسرائیل کوں معرکہ افیق وچ شکست ݙتی۔ ایں شکست دی خبر نال عالی دا انتقال تھیا، تابوت گم تھی ڳیا تے فینحاس دی ذال نے ہک پتر کوں جنم ݙتا، جیدا ناں "ایخابود" رکھا اتے ول اوندی وفات تھی ڳئی۔

تلمود وچ بعض مفسرین دا موقف اے ہےکہ فینحاس تے عائد الزامات بے بنیاد ہن تے ایہہ سارے جرائم حفنی نے کیتے ہن، حالانکہ جوناتھن بن عزئیل دا آکھݨا ہے کہ فینحاس بدکار کائناں ہا، بلکہ ایہہ بیانیہ علامتی معنیاں وچ سمجھا ونڄݨا چاہیدا ہے۔ سفر صموئیل اول (باب 14، آیت 2) دے مطابق، عالی دی وفات دے بعد، فینحاس دا وݙا پتر اخیطوب نواں اعلیٰ کاہن بݨیا۔