حضرت پیر پگاڑو پیر محمد راشد
آپ دا ناں حضرت پیر محمد راشد تخلص حسینی تے لقب روضہ دھنی ہی آپ1170ھ وچ پیدا تھئے تے 1223وچ وصال فرمایا۔ آپ سید محمد نقا ہوراں دے مشہور پتر ہن ۔ ظاہری اتے دینی تعلیم مخدوم محمد اسماعیل ہوراں کنوں گھدونے ۔ انھاندی عارفانہ تلقین کنوں سندھ ‘ بلوچستان ‘ جودھ پور ‘ جیسلمیر اتے کچھ دے ہزاراں مریداں فائدہ چاتا۔ انھاں دیاں قلمی لکھتاں انھاندی قلمی فضیلت دا ثبوت ہن۔ نظریہ وحدت الوجود تے ہمہ اوست دے قائل ہن۔ آپ وجدانی کیفیت دا کھلم کھلا اظہار کریندے ہن۔ اپݨا تخلص ’’حسینی‘‘ لکھدے ہن آپ سچل سرمستؒ دے ہمعصر ہن۔ فنی اعتبار نال انھاں دی کافی تے سچل سرمستؒ دا رنگ چڑھیا نظر آندے۔
عشق نہ پُچھیندا ہے کوئی ذات
جتھاں دل لڳ ڳئی اتھاں مستان بݨایا وے
عشق پُنل کوں آن دھوبی کہلوایا
سسی نوں روہیں دے وچ رلوایا
عشق نہ سُݨدا کہیں دی بات
کشش کرکے ݙوہاندا قبرستان بݨایا وے
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان