حضرت مخدوم جہانیاں جہاں گشتؒ دے مصرعے

حضرت مخدوم جہانیاں جہان گشتؒ دے ملفوظات دے ایں زبان دے کئی نکھیڑنویں مصرعے ملدن۔ مناقب برہانی وچ مذکور ہے کہ جیڑھے سیر کریندے گجرات پہنچے تاں ٻٹوا وچ اوں جا تے قیام فرمایا۔ جتھاں اَڄ کل حضرت قطب العالم دا مزار ہے۔ آپ اوں جا تے فرمایا:

’’اتھاں اساݙے ہاݙاں دی خوشبو ہے‘‘

ہک واری اپݨے چھوٹے بھرا سید صدر الدین راجن قتالؒ کوں فرمایا:

’’اساں خوجے تساں راجے‘‘

اپݨے ہک مرید کوں ہک موقعہ تے فرمایونیں:

’’اساں وی جہانیاں تساں وی جہانیاں‘‘

حضرت قطب عالم برہان الدین دے بارے روایت ہے کہ آپ اپݨے فرزند دی پیدائش تے فرمایا:

اساں تھیں وݙا تساں تھیں وݙا مخدوم جہانیاں آیا

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان