حضرت سخی شاہ موسیٰ رنیال

آپؒ دربار عالیہ زیارت سخی موسیٰ رنیال (مزار) موضع ناڑہ (نڑاں والا)، تحصیل جنڈ، ضلع اٹک (کیمبل پور) دے، قادریہ سہروردیہ سلسلہ دے سب توں پہلے بزرگ و کامل ولی اللہ گزرے ہن۔ آپؒ دا زمانہ ݙاہویں صدی ہجری دی آخری دہائیاں یا ول یارہویں صدی ہجری دے شروع دا ہے، آپؒ کھٹر خاندان نال تعلق رکھدن، شجرہ نسب حضرت عباس علمبردار دی اولاد وچ مشہور بزرگ سید قطب شاہ نال ملدا ہے جݙݨ کہ شجرہ طریقت بلوٹ شریف دے جلالی سادات وچوں شاہ عیسیٰ قتال بن نوری شاہ عبد الرحمٰن بن شاہ عبد الوہاب المعروف عیسیٰ بابن پیر نال جڑا ہے جیہڑے جلال الدین سرخ پوش اوچی دی اولاد وچوں ہن، سلسلہ قادریہ سہروردیہ دی بیعت و خلافت عطا تھئی اتے آپؒ نے عرصہ ویہہ سال اپݨے پیر دی خدمت وچ اچ بلوٹ گزاری۔ آپؒ دا قد مبارک قدرے چھوٹا اتے چہرہ مبارک نورانی ہئی اتے آپؒ رعب دار شخصیت دے مالک ہن۔