حضرت خواجہ محکم الدین سیراݨی

1137ھ ۔1197ھ؍1724ء توں1782ء

حضرت خواجہ محکم الدین سیراݨیؒ ہک بلند پایہ بزرگ تے ولی اللہ ہن۔ آپ توں پورے برصغیر پاک و ہند روحانی فیض حاصل کیتا۔ آپ دا سلسلہ اویسی ہے لیکن قادری سلسلے دے اذکار کریندے ہن۔ آپ تصوف دے مسلک ہمہ از اوست اور وحدت شہود دے قائل ہن۔ لطائف سیریہ وچ درج ہے ’’پس فرمودند مولوی باشد یا غیر مولوی خود بداند مذہب ایں فقیر ہمہ از اوست‘‘ (آپ نے فرمایا کوئی مولوی آکھے یا غیر مولوی تے انھاں دا کجھ اِی مسلک ہووے فقیر دا مذہب ہمہ از اوست کینی بلکہ ہمہ از اوست ہے) حضرت خواجہ محکم الدین سیرانی  ؒتے ہر وقت جذب ومستی دی کیفیت طاری رہندی۔ آپ دی ہک سی حرفی ملدی ہے جئیں وچ آہدن کہ محبوب دے بغیر سالک کوں ٻیا کجھ نیں سمجھدا۔ ہر پاسے اوندیاںاَکھیں اپݨے محبوب دی جاچ کریندن۔ نفس پہلے ایجھا کھیڑا ہے جیڑھا ہیر یعنی روح نال ہر ویلے لُجھدا رہندے۔

دیوانی ہو رہی میکوں ڳل نہ کائی سُجھے

ماہی میݙے دیدن لہے ہور نہ کائی ٻجھے

ایہو کھیڑا جھیڑا کر کر نال میݙے نت لجھے

دولۃ بین الاغنیاء منکم جو پڑھیم میݙا کوئی بجھے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان