حضرت ابو دجانہ

ابو دجانہ دا اصل ناں سماک بن خرشہ ہے۔ انصاری ہن تے مدینہ وچ پیدا تھئے مگر تاریخ پیدائش وچ اختلاف اے. ابو دجانہ جنگ یمامہ میں شریک انہاں لوگاں وچ شامل ہن جنہاں نے مسیلمہ کوں قتل کیتا تے ہوں ݙینہہ شہید تھئے ایہ سال 12ھ دا ہئی۔

حیات مبارک

بدر و احد تے دیگر غزوات وچ رسول اللہؐ دے نال شریک رہے۔ احد دے ݙینہہ رسول اللہؐ نے انہاں کوں اپݨی تلوار ݙتی ہئی جیہڑے ویلے آپؐ نے فرمایا میݙی تلوار اس دے حق دے نال کون گھنسی، ساری قوم خاموش رہی، ابو دجانہ نے آکھا میں اس دے حق دے نال اینکوں گھندا ہاں تے ول مشرکین دی کھوپڑیاں اݙا ݙتے بعد وچ رسول اللہؐ نے فرمایا اج ابو دجانہ لڑائی وچ سچے نکلے۔ ایہ مشہور بہادراں وچوں ہن. انہاں دے کول ہک سرخ پٹی ہئی جس نال اوہ لڑائی وچ پہچاݨے ویندے ہن۔ احد وچ او بطور نشان لا کے ݙوہاں صفاں دے درمیاں اکڑ کے چلے تاں رسول اللہؐ نے فرمایا ایہ چال اللہ کوں بہت ناپسند ہے سوائے اس مقام دے۔ یمامہ دی جنگ وچ آپ شہید تھئے۔ بنی حنیفہ دا یمامہ وچ ہک باغ ہئی جس دی آڑ گھن کے اوہ لوگ لڑدے ہن مسلماناں دی اتھاں تک پہنچ نہ ہئی. ابو دجانہ نے آکھا میکوں ایں باغ دے اندر سٹ ݙیو. ایویں ہی کیتا گیا جس نال انہاں دا پیر ٹٹ گیا لیکن اس دے باوجود انہاں نے مقابلہ کر کے انہاں لوگاں کوں دروازے توں ہٹا ݙتا۔ جنگ وچ انہاں دے سامݨے ابو سفیان دی بیوی ہندہ آ گئی اس لوگاں کوں مدد کیتے پکارا کوئی شخص مدد کرݨ نہ آیا انہاں نے تلوار کوں روک گھدا کہ رسول اللہؐ دی تلوار کوں ہک عورت تے کیوں چلاواں.