حضرت ابو جندل
ابو جندل بن سہیل، صحابیٔ رسولؐ تے سہیل بن عمرو دے بیٹے ہن۔ عاص نام، ابو جندل کنیت ،نسب نامہ ایہ ہے، ابو جندل بن سہیل بن عمرو بن عبد شمس بن عبد ود بن نصر ابن مالک بن حل بن عامر بن لوئی قرشی عامری.
اسلام دی خاطر خدمات
[لکھو | ماخذ وچ تبدیلی کرو]ابو جندل اس وقت مسلمان تھئے جݙݨ انہاں دا گھر اسلام دشمنی گڑھ ہئی، والد سہیل نے انہاں دے پیراں وچ بیڑیاں پا کے قید کر ݙتا تے اوہ کئی سال تک اس قید و بند وچ گرفتار رہے. 6ھ صلح حدیبیہ وچ انہاں دے والد سہیل ہی قریش مکہ دی طرفوں آنحضرت صلی اللہ علیہ و آلہ وسلم دے کول مصالحت کیتے آئےہن ۔ جیہڑلے شرائط لکھیندیاں پیاݨ ہن ، ہک شرط ہئی "قریش دا جیہڑا آدمی وی خواہ اوہ مسلمان ہی کیوں نہ ہووے، مسلماناں دے کول آسی تاں مسلمان اس دے واپس کرݨ دے پابند ہوسن ، تاں ابوجندل جیہڑے اسلام قبول کر چکے ہن تے کفار مکہ دی قید وچ ہن۔ کہیں طرح بھڄ کے بیڑیاں سمیت حضور صلی اللہ علیہ وسلم دی خدمت وچ حاضر تھی گئے۔ تے اپݨے زخم ݙکھا کے فریاد کیتی کہ انھاں کوں اپݨے نال مدینہ ونجو۔ حضورؐ نے سہیل کوں کافی سمجھایا کہ اوہ ابوجندل کوں مدینہ ونجݨ دی اجازت ݙے ݙیوے۔ مگر اوہ راضی نہ تھیا کہا کہ شرائط صلح دی رو نال آپؐ اینکوں نی گھن کے ونج سڳدے۔ چنانچہ حضورؐ نے صحابہ کرام دی مخالفت دے باوجود ابوجندل کوں سہیل دے حوالے کر ݙتا۔ تے آکھا " ابو جندل صبر و ضبط نال کم گھن، خدا تہاݙے تے ݙوجھے مظلوم مسلماناں کیتے کوئی رستہ پیدا کریسی، اساں صلح کرچکے تے صلح دے بعد انہاں نال بد عہدی نی کرسڳدے۔ ابوجندل کفار دی سختیاں سہندے رہے تے جیہڑلے اہل مکہ دے ستم زدہ مسلماناں نے مقام عیص وچ ہک پناہ گاہ بݨا گھدی تاں ایہ وی اتھاں چلے گئے تے کجھ عرصے بعد انہاں دے نال ہی مدینہ آ ڳئے.
وفات
[لکھو | ماخذ وچ تبدیلی کرو]آنحضرتﷺ دی زندگی وچ مدینہ وچ رہے، اس دے بعد عمرفاروق دے زمانے وچ جݙݨ شام تے فوج کشی تھئی تاں اس وچ مجاہدانہ شرکت کیتی تے پنج چھی سال تک مسلسل جہاد فی سبیل اللہ وچ مشغول رہ کے حضرت عمر دے عہد خلافت 18ھ وچ طاعون دی وبا وچ عمواس وچ وفات پاتی۔[١]
حوالے
[لکھو | ماخذ وچ تبدیلی کرو]- ↑ اسد الغابہ:5/155