حسیب ساغر

اصل ناں      محمد حسیب

تخلص         ساغرؔ  

جمن           1987ء  

تعلیم           پرائمری

پیشہ            محنت مزدوری

فون نمبر         03448513414

جاہ پتہ         ڈاکخانہ جام پور ضلع راجن پور

غزل

میڈی مر گئی محبت دا رُلیا عنوان کیا پڑھسیں

حیاتی دا نہ پورا تھیا کوئی ارمان کیا پڑھسیں

مغز ماری نہ کر جیویں تیڈا چیتا رلا ڈیسی

اے شاہ سیفل دا قصہ ہے میڈا دیوان کیا پڑھسیں

نہیں تِل  د ا  اثر اصلوں  د وا  دارو جتی  کیتن

میڈے چہرے دی حالت ہُن ایویں لقمان کیا پڑھسیں

توڑے معمار ہیں توں پر تیڈے توں کم زیادہ ہے

میڈے گل گئے گریڑے دے جو سب ارکان کیا پڑھسیں

جیندے ورقے سلامت نئیں ،جیندیاں جلداں ختم تھی گِن

کتابِ زندگی دا  جو  تھیا نقصان  کیا  پڑھسیں

قلم کوں چا کے کاغذ تے میں لکھداں ’’پیار ‘‘ جئیں ویلے

میڈیاں ہنجوں مٹا ڈیندین توں ساغر خان کیا پڑھسیں