حسرت ہسوانہ
اصل ناں محمد رشید
قلمی ناں حسرت ہسوانہ
جٖمنْ 1975ء
تعلیم ایف اے
پیشہ زمیندارہ
فون نمبر 03007199176
جاہ پتہ موضع موجی والا تحصیل شجاع آباد ضلع ملتان
شعری مجموعہ’’مندریئے منہ‘‘دے خالق رشید حسرت ہسوانہ دی شاعری بارے معروف شاعر بے زر شجاعآبادی لکھدن جو ’’رشید حسرت دے ڈٖوہڑے ، غزل ، نظم ،کافی دے ہر شعر توں زندگی دیاں اوہ حقیقتاں کھل کے سامنْے آندین جنہاں کولوں انکار ممکن ای کینی ، تے حسرت جڈٖاں انہاں تلخ حقیقتاں کوں محسوس کریندے تاں اپنْے اندر دا درد شعر دے روپ اچ بیان کریندے ۔تے آہدے۔
؎احساس دا ہے جگٖ توں جنازہ نکل گٖیا
لاشہ وفا دا املک پامال تھی گٖیا ہے
تے ہُنْ رشید حسرت دی غزل دا نمونہ ملاحظہ تھیوے۔
غزل
[لکھو | ماخذ وچ تبدیلی کرو]صنم وی نی ملیا ساکوں خدا وی چھوڑ بٖیٹھے ہیں
کوئی خیرات وی ڈھئی نئیں تے کاسہ تروڑ بٖیٹھے ہیں
اساں ویلھے دے ہتھ وچ غیرتاں گروی رکھا اَئے ہیں
اساں شرم و حیا اپنْے دا سینہ ہوڑ بٖیٹھے ہیں
ضمیر اپنْے کوں بُکھ دریاں دیاں موجاں دے حوالے کر
ہتھوں اپنْیاں اناواں دی وی بٖیڑی بٖوڑ بٖیٹھے ہیں
تیڈٖیاں یاداں، تیڈٖے خواباں سوا ساڈٖا ہے کیا باقی
تیڈٖی پوجا دیوچ قبلے کنوں منہ موڑ بٖیٹھے ہیں
بٖہوں افسوس ہے تیکوں تڈٖاں احساس تھیا ہے
اساں ہنجواندے وچ دیداں وی حسرتؔ لوڑ ھ بٖیٹھے ہیں